കോഴിക്കോട്: താമരശേരിയില്‍ നിന്ന് കാണാതായ ബാലനെ എറണാകുളത്ത് നിന്ന് കണ്ടെത്തി. എറണാകുളം നോര്‍ത്ത് റെയില്‍വേ സ്റ്റേഷനില്‍ കുട്ടിയുണ്ടെന്ന് റെയില്‍വേ പൊലീസ് ബന്ധുക്കളെ അറിയിച്ചു .
കൊയിലാണ്ടി സ്വദേശി ജാസിറിന്റെ മകനായ മുഹമ്മദ് ഷിഹാബിനെ (15) ആണ് ചൊവ്വാഴ്ച മുതല്‍ കാണാതായത്. വീട്ടില്‍ നിന്നും പുതുപ്പാടിയിലെ ദറസിലേക്ക് പോയതായിരുന്നു കുട്ടി.
പിന്നീട് കുട്ടിയെക്കുറിച്ച് വിവരങ്ങളൊന്നും ലഭിക്കാത്തതിനാലാണ് വീട്ടുകാര്‍ പൊലീസില്‍ വിവരമറിയിച്ചത്. കുട്ടിയെക്കുറിച്ച് വിവരം ലഭിച്ച വീട്ടുകാര്‍ എറണാകുളത്തേക്ക് പുറപ്പെട്ടു.
പ്രതികരിക്കാൻ ഇവിടെ എഴുതുക: