ന്യൂയോർക്ക് : ലോകത്തിൽ ഏറ്റവും വേഗത്തിൽ മുസ്ലീങ്ങളുടെ ജനസംഖ്യ വർദ്ധിക്കുന്നു. മുസ്ലീങ്ങളുടെ ജനസംഖ്യ 34.7 കോടി വർദ്ധിച്ചതായി റിപ്പോർട്ട്. പ്യൂ റിസർച്ച് സെന്ററിന്റെ ഗവേഷണ റിപ്പോർട്ട് അനുസരിച്ച് ലോകത്തിലെ മുസ്ലീങ്ങളുടെ ജനസംഖ്യ 2 ട്രില്യൺ ആയിയെന്നാണ്.
ഇതിനു പുറമെ ലോക ജനസംഖ്യയിൽ മുസ്ലീങ്ങളുടെ പങ്ക് 1.8 ശതമാനം വർദ്ധിച്ച് 25.6 ശതമാനമായി. പ്യൂ റിസർച്ച് സെന്ററിൽ നിന്നുള്ള പുതിയ പഠനമനുസരിച്ച് 2020 വരെയുള്ള ദശകത്തിൽ മുസ്ലീങ്ങളുടെ എണ്ണം മറ്റേതൊരു പ്രധാന മതവിഭാഗത്തേക്കാളും വേഗത്തിൽ വളർന്നു. ക്രിസ്ത്യാനികൾക്ക് ശേഷം ലോകത്തിലെ രണ്ടാമത്തെ വലിയ മതവിഭാഗം മുസ്ലീങ്ങളാണ്. അതേ സമയം ബുദ്ധമതക്കാരുടെ എണ്ണം 19 ദശലക്ഷം കുറഞ്ഞ് 324 ദശലക്ഷമായി മാറി.
2,700-ലധികം സെൻസസുകളുടെയും സർവേകളുടെയും വിശകലനം അനുസരിച്ച് 2010 നും 2020 നും ഇടയിൽ ലോകജനസംഖ്യ വർദ്ധിച്ചതായി പ്യൂ റിസർച്ച് സെന്റർ റിപ്പോർട്ട് ചെയ്യുന്നു. അതുപോലെ തന്നെ എല്ലാ പ്രധാന മതവിഭാഗങ്ങളും എണ്ണത്തിൽ വളർന്നു കഴിഞ്ഞിട്ടുണ്ട്. 2.18 ബില്യണിൽ നിന്ന് 2.30 ബില്യൺ (122 ദശലക്ഷം) ആയി വളർന്ന ക്രിസ്ത്യാനികൾ ഏറ്റവും വലിയ മതവിഭാഗമായി തുടരുന്നു. ആഗോള ജനസംഖ്യയിൽ അവരുടെ പങ്ക് ഏകദേശം 30.6% ൽ നിന്ന് 28.8% ആയി (‑1.8 പോയിന്റ്) കുറഞ്ഞു.
പ്യൂ റിസർച്ച് സെന്റർ റിപ്പോർട്ട് പ്രകാരം 2020 ആയപ്പോഴേക്കും 120 രാജ്യങ്ങളിലും പ്രദേശങ്ങളിലും ക്രിസ്ത്യാനികൾ ഭൂരിപക്ഷമായിരുന്നു. ആദ്യകാല വിവാഹം മൂലം മുസ്ലീങ്ങൾ ജനസംഖ്യയിൽ വർദ്ധനവുണ്ടായപ്പോൾ ജൂതന്മാർ പിൽക്കാലത്ത് വിവാഹം കഴിക്കാൻ പ്രവണത കാണിക്കുന്നുണ്ട്. അതിനാൽ അവരുടെ ജനസംഖ്യ വളരെ സാവധാനത്തിൽ കുറഞ്ഞുവെന്ന് ഗവേഷണം പറയുന്നു. ലോകത്തിലെ ക്രിസ്ത്യാനികളിൽ ഏകദേശം 31% ആഫ്രിക്കയിലാണ്, 2010 ൽ ഇത് 24.8% ആയിരുന്നു. അതേസമയം യൂറോപ്പിൽ ക്രിസ്ത്യൻ ജനസംഖ്യ കുത്തനെ കുറഞ്ഞു. ബുദ്ധമത ജനസംഖ്യയും ഗണ്യമായി കുറഞ്ഞു.
പ്യൂ റിസർച്ച് സെന്റർ റിപ്പോർട്ട് പ്രകാരം 2010 മുതൽ 2020 വരെ ഹിന്ദു ജനസംഖ്യയിൽ കാര്യമായ വർധനവ് ഉണ്ടായിട്ടില്ല. 2010 ൽ 1.1 ബില്യൺ ആയിരുന്ന ഹിന്ദു ജനസംഖ്യ 2020 ൽ 1.2 ബില്യൺ ആയി വർദ്ധിച്ചു. റിപ്പോർട്ടിന്റെ കണക്കനുസരിച്ച് 2050 ആകുമ്പോഴേക്കും ഇന്ത്യയിലെ ജനസംഖ്യ 166 കോടിയിലെത്താം. അതിൽ ഹിന്ദു ജനസംഖ്യ 130 കോടിയായിരിക്കുമെന്ന് കണക്കാക്കപ്പെടുന്നു.
