കോട്ടയം: സ്വര്‍ണ്ണവായ്പ വഴി കൂടുതല്‍ തുക നല്‍കാമെന്ന് വിശ്വസിപ്പിച്ച് തട്ടിപ്പ് നടത്തിയയാള്‍ അറസ്റ്റില്‍. വാഴൂര്‍ പാണ്ടിമാക്കല്‍ വീട്ടില്‍ പുരുഷോത്തമന്‍ (54) ആണ് പിടിയിലായത്. സ്വകാര്യ ധനകാര്യ സ്ഥാപനത്തിലെ ജീവനക്കാരനാണെന്ന് വിശ്വസിപ്പിച്ച് കൂടുതല്‍ തുക വായ്പ നല്‍കാമെന്നും പറഞ്ഞ് 29 ഗ്രാം സ്വര്‍ണ്ണം വാങ്ങിയെടുത്തു മുങ്ങുകയായിരുന്നു ഇയാള്‍. പരാതിക്കാരന്‍ മറ്റൊരു ധനകാര്യസ്ഥാപനത്തില്‍ പണയത്തില്‍ ഇരുന്ന സ്വര്‍ണ്ണം അവിടെ നിന്ന് എടുത്തു നല്‍കുകയായിരുന്നു. കഴിഞ്ഞ ഡിസംബറിലായിരുന്നു സംഭവം. പരാതിയെത്തുടര്‍ന്ന് പാലാ പോലീസ് കേസെടുത്ത് അന്വേഷണം നടത്തുന്നതിനിടെയാണ് പ്രതിയെ കെണ്ടത്താനായത്. പ്രതിക്കെതിരെ പള്ളിക്കത്തോട്, തൊടുപുഴ എന്നീ സ്റ്റേഷനുകളിലും സമാന കേസുകള്‍ നിലവിലുണ്ടെന്ന് പൊലീസ് പറഞ്ഞു. പ്രതിയെ കോടതിയില്‍ ഹാജരാക്കി റിമാന്‍ഡുചെയ്തു.
ധനകാര്യ സ്ഥാപനത്തിലെ ജീവനക്കാരനാണെന്ന് വിശ്വസിപ്പിച്ച് സ്വര്‍ണ്ണം തട്ടിയയാള്‍ അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: