തിരുവനന്തപുരം :യാത്രക്കാരനെന്ന് പറഞ്ഞ് കെഎസ്ആര്‍ടിസി കണ്‍ട്രോള്‍ റൂമിലേക്ക് വിളിച്ച മന്ത്രി കെ.ബി.ഗണേഷ് കുമാറിന് കൃത്യമായി മറുപടി നല്‍കാതിരുന്ന ഒമ്പത് ജീവനക്കാര്‍ക്ക് സ്ഥലംമാറ്റം. വനിതാ ജീവനക്കാര്‍ ഉള്‍പ്പടെയുള്ളവരെയാണ് സ്ഥലംമാറ്റിയത്. കാസര്‍ഗോഡ് ഉള്‍പ്പടെയുള്ള ജില്ലകളിലേക്കാണ് ഇവരെ മാറ്റിയത്.
കെഎസ്ആര്‍ടിസി കണ്‍ട്രോള്‍ റൂമില്‍ വിളിച്ചാല്‍ കൃത്യമായ മറുപടി ലഭിക്കുന്നില്ലെന്ന പരാതിയുണ്ടായിരുന്നു. ഇതാണ് മന്ത്രി നേരിട്ട് വിളിക്കാന്‍ കാരണം.
മന്ത്രി ആദ്യം വിളിച്ചപ്പോള്‍ ആരും ഫോണ്‍ എടുത്തില്ല.പിന്നീട് വിളിച്ചപ്പോള്‍ ഫോണ്‍ എടുത്തെങ്കിലും കൃത്യമായ മറുപടി നല്‍കിയില്ല.പിന്നാലെ അന്വേഷണം നടത്താന്‍ മന്ത്രി സിഎംഡിക്ക് നിര്‍ദ്ദേശം നല്‍കി. തുടര്‍ന്നാണ് ജീവനക്കാരെ സ്ഥലം മാറ്റിയത്.
പ്രതികരിക്കാൻ ഇവിടെ എഴുതുക: