മുംബൈL 2009ല്‍ കോണ്‍ഗ്രസ് ഭരിയ്‌ക്കുന്ന കാലത്ത് സിനിമയില്‍ കര്‍ശനമായ വിലക്കുകളും നിയന്ത്രണങ്ങളും ഉണ്ടായിരുന്നുവെന്ന് ഗാനരചയിതാവും സംവിധായകനുമായി വരുണ്‍ ഗ്രോവര്‍. കോണ്‍ഗ്രസ് ഭരണകാലത്ത് അത്രയ്‌ക്കേ ആവിഷ്കാരസ്വാതന്ത്ര്യം ഉണ്ടായിരുന്നുള്ളൂ എന്നും അദ്ദേഹം പറഞ്ഞു. ഒരു യൂട്യൂബ് ചാനലിന് നല്‍കിയ അഭിമുഖത്തിലായിരുന്നു വരുണ്‍ ഗ്രോവറിന്റെ ഈ അഭിപ്രായപ്രകടനം.
ആജ് തക് എന്ന ചാനലില്‍ അദ്ദേഹത്തിന്റെ ഐസി കി തൈസി( അതുപോലെ തന്നെ) എന്ന പരിപാടിയില്‍ കോണ്‍ഗ്രസ് സര്‍ക്കാരും നേതാക്കളും പല വിലക്കുകളും കൊണ്ടുവന്നതായി വരുണ്‍ ഗ്രോവര്‍ പറയുന്നു. ചില കോണ്‍ഗ്രസ് നേതാക്കളെ പരിഹസിക്കാന്‍ പാടില്ലെന്ന് കര്‍ശനമായി വിലക്കുണ്ടായിരുന്നു. – വരുണ്‍ ഗ്രോവര്‍ പറയുന്നു.
“2009ല്‍ ഒരു വലിയ വിവാഹം നടന്നു. ഒരു വിഐപിയുടെ വിവാഹം. അത് ആരുടേതാണെന്ന് ഞാന്‍ പേരെടുത്ത് പറയില്ല.അതില്‍ ഒരു വലിയ കോണ്‍ഗ്രസ് നേതാവ് പങ്കെടുത്തിരുന്നു. ഐസി കി തൈസി എന്ന പരിപാടിയില്‍ ഇതേക്കുറിച്ച് ചില തമാശകള്‍ ഉണ്ടായിരുന്നു. പരിപാടി 100ാം എപ്പിസോഡില്‍ എത്തിയപ്പോള്‍ നിങ്ങള്‍ ലക്ഷ്മണരേഖ ലംഘിച്ചുവെന്ന് കോണ്‍ഗ്രസ് സര്‍ക്കാര്‍ വിമര്‍ശിച്ചു. അതിന് പിന്നാലെ ആ ടിവി ഷോ നിര്‍ത്തലാക്കി. അത്രത്തോളമുണ്ട് കോണ്ഗ്രസിന്റെ ആവിഷ്കാരസ്വാതന്ത്ര്യം.” – അല്‍പം പരിഹാസച്ചുവയോടെ വരുണ്‍ ഗ്രോവര്‍ പറഞ്ഞു.
പ്രതികരിക്കാൻ ഇവിടെ എഴുതുക: