മുംബൈ: മുംബൈ നഗരത്തിന്റെ സമ്മര്‍ദ്ദം കുറയ്ക്കാന് നാലാമതൊരു മുംബൈ നഗരം കൂടി ഉയരുമെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ്. 76,220 കോടി രൂപയിലാണ് ഈ നാലാമത്തെ മുംബൈ നഗരം ഉയരുകയെന്നും ദേവേന്ദ്ര ഫഡ് നാവിസ് പറഞ്ഞു. വാധ്വാന്‍ തുറമുഖത്തിനടുത്താണ് നാലാമത്തെ മുംബൈ നഗരം ഉയരുന്നത്. സാമ്പത്തിക വളര്‍ച്ചയില്‍ കുതിയ്‌ക്കുന്ന ഇന്ത്യയുടെ പുതിയ മുഖമായി മാറാന്‍ നിലവിലുള്ളതിനു പുറമെ 50 നഗരങ്ങള്‍ കൂടി സൃഷ്ടിക്കേണ്ടതുണ്ടെന്നാണ് നീതി ആയോഗിന്റെ കണക്ക്. അതിന്റെ ഭാഗമാണ് വധ്വാനില്‍ ഉയരുന്ന നാലാമത്തെ മുംബൈ നഗരം.
ഏതാണ് ഒന്നാമത്തെയും രണ്ടാമത്തെയും മൂന്നാമത്തെയും മുംബൈ നഗരങ്ങള്‍?
മുംബൈ നഗരവും മുംബൈ സബര്‍ബനും ചേര്‍ന്നതാണ് ഒന്നാം മുംബൈ. ഇത് ആഗോള ധനകാര്യ ഹബ്ബായാണ് അറിയപ്പെടുന്നത്. നവി മുംബൈയും താനെ-റായ്ഗഡ് ബെല്‍റ്റും ചേര്‍ന്ന പ്രദേശത്തെയാണ രണ്ടാം മുംബൈ എന്ന് വിളിക്കുന്നത്.
നവി മുംബൈ അന്താരാഷ്‌ട്ര വിമാനത്താവളത്തിന് ചുറ്റുമുള്ള പ്രദേശമാണ് മൂന്നാം മുംബൈയായി വികസിപ്പിക്കുന്നത്. റായ് ഗഡ് ജില്ലയിലെ ഈ പ്രദേശം നൈന എന്നാണ് അറിയപ്പെടുന്നത്. നവി മുംബൈ എയര്‍പോര്‍ട് ഇന്‍ഫ്ലുവന്‍സ് നോട്ടിഫൈഡ് ഏരിയ (നൈന) എന്നാണ് നൈനയുടെ മുഴുവന്‍ പേര്. 334 ചതുരശ്ര മീറ്ററാണ് ഈ മൂന്നാം മുംബൈയുടെ വിസ്തീര്‍ണ്ണം.
ഏതാണ് നാലാമത്തെ മുംബൈ നഗരം?
വാധ്വാന്‍ തുറമുഖത്തിന് ചുറ്റുമുള്ള പ്രദേശമാണ് നാലാം മുംബൈയായി വികസിപ്പിക്കാന്‍ പോകുന്നത്. ഈ നാലാം മുംബൈയില്‍ ഒരു വിമാനത്താവളം കൂടി വരും. പാല്‍ഘാറിലാണ് ഈ വിമാനത്താവളം വരിക. ഗ്രീന്‍ഫീല്‍ഡ് വിമാനത്താവളമാണ് ഇവിടെ ഉയരുക. ഇവിടെ ബുള്ളറ്റ് ട്രെയിനിന് ഒരു സ്റ്റോപ്പും ഉണ്ടാകും. മുംബൈ ഡൗണ്‍ ടൗണില്‍ നിന്നും 140 കിലോമീറ്റര്‍ അകലെ, മഹാരാഷ്ട്ര-ഗുജറാത്ത് അതിര്‍ത്തിപ്രദേശത്താണ് നാലം മുംബൈ നഗരം ഉയരുക. 76,220 കോടി രൂപയിലാണ് ഈ നാലാം മുംബൈ നഗരം ഉയരുക. ഭൂമി ഏറ്റെടുക്കല്‍ ഉള്‍പ്പെടെയാണ് ഈ ചെലവുകള്‍.
പ്രതികരിക്കാൻ ഇവിടെ എഴുതുക: