World

കൊളംബിയ : തിരഞ്ഞെടുപ്പ് റാലിയെ അഭിസംബോധന ചെയ്യുന്നതിനിടെ പ്രസിഡന്റ് സ്ഥാനാർത്ഥിക്ക് വെടിയേറ്റു

സെനറ്ററായ മിഗുവൽ ഉറിബെ ടർബെ അടുത്ത വർഷത്തെ പ്രസിഡന്റ് തിരഞ്ഞെടുപ്പിൽ വിജയിക്കാൻ ഏറെ സാധ്യതയുള്ള സ്ഥാനാർത്ഥിയാണ്

Published by

ബോഗാട്ടെ : കൊളംബിയയിൽ പ്രസിഡന്റ് സ്ഥാനാർത്ഥി മിഗുവൽ ഉറിബെ ടർബെയ്‌ക്ക് വെടിയേറ്റു. ശനിയാഴ്ച ബൊഗോട്ടയിൽ ഒരു തിരഞ്ഞെടുപ്പ് റാലി നടത്തുന്നതിനിടെയാണ് അദ്ദേഹത്തിന് തലയ്‌ക്ക് വെടിയേറ്റത്. ഗുരുതരമായി പരിക്കേറ്റ അദ്ദേഹത്തെ ആശുപത്രിയിൽ പ്രവേശിപ്പിച്ചു.

ഫോണ്ടിബൺ പരിസരത്തെ ഒരു പാർക്കിലാണ് ആക്രമണം നടന്നതെന്നും ആയുധധാരികളായ അക്രമികൾ പിന്നിൽ നിന്ന് വെടിയുതിർത്തതായും അദ്ദേഹത്തിന്റെ പാർട്ടി പറഞ്ഞു. ക്രൂരമായ അക്രമമാണിതെന്ന് ഡെമോക്രാറ്റിക് സെന്റർ പാർട്ടി പ്രസ്താവനയിറക്കി. ഇത് അസ്വീകാര്യമായ പ്രവൃത്തിയാണെന്നും അവർ പറഞ്ഞു.

അതേ സമയം സംശയിക്കപ്പെടുന്ന കുറ്റവാളിയെ അറസ്റ്റ് ചെയ്തതായി ബൊഗോട്ട മേയർ കാർലോസ് ഗാലൻ സോഷ്യൽ മീഡിയ പ്ലാറ്റ്‌ഫോമായ എക്‌സിൽ പറഞ്ഞു. പ്രാദേശിക ഉദ്യോഗസ്ഥരും പോലീസ് സംഘങ്ങളും മുഴുവൻ വിഷയവും അന്വേഷിക്കുന്നുണ്ട്. ആക്രമണകാരിയെ ചോദ്യം ചെയ്തുവരികയാണെന്നും മേയർ വ്യക്തമാക്കി.

സെനറ്ററായ മിഗുവൽ ഉറിബെ ടർബെ അടുത്ത വർഷത്തെ പ്രസിഡന്റ് തിരഞ്ഞെടുപ്പിൽ വിജയിക്കാൻ ഏറെ സാധ്യതയുള്ള സ്ഥാനാർത്ഥിയാണ്.

Share
Janmabhumi Online

Online Editor @ Janmabhumi

പ്രതികരിക്കാൻ ഇവിടെ എഴുതുക