കോട്ടയം: അധ്യാപകര്‍ക്ക് നിയമന ഉത്തരവ് ശരിയാക്കിക്കൊടുക്കാന്‍ വഴിവിട്ട് ഇടപെടുന്ന സെക്രട്ടേറിയറ്റിലെ ഗൂഢസംഘത്തിലെ ഇടനിലക്കാരന്‍ പിടിയില്‍. ഒന്നരലക്ഷം രൂപ കൈക്കൂലി വാങ്ങുന്നതിനിടെ റിട്ട. അധ്യാപകനും വടകര സ്വദേശിയുമായ വിജയനെയാണ് എറണാകുളത്തുനിന്ന് കോട്ടയം വിജിലന്‍സ് ഡിവൈഎസ്പി വി.ആര്‍.രവികുമാറിന്റെ നേതൃത്വത്തിലുളള സംഘം പിടികൂടിയത്. പൊതുവിദ്യാഭ്യാസ വകുപ്പിലെ ജീവനക്കാരനായ സുരേഷ് ബാബുവിന് വേണ്ടിയാണ് ഇയാള്‍ കൈക്കൂലി വാങ്ങിയതെന്നാണ് വെളിപ്പെടുത്തല്‍. സുരേഷ് ബാബുവിനെ പിടികൂടാന്‍ കഴിഞ്ഞിട്ടില്ല. നിയമനം നേരത്തേ റദ്ദായ പാലായിലെ മൂന്ന് അധ്യാപകരുടെ നിയമനം ശരിയാക്കി കൊടുക്കാമെന്നു പറഞ്ഞാണ് കൈക്കൂലി വാങ്ങിയത്. സെക്രട്ടറിയറ്റിലെ കൂടുതല്‍ ഉദ്യോഗസ്ഥര്‍ സംഭവത്തില്‍ ഉള്‍പ്പെട്ടിട്ടുണ്ടെന്നാണ് വിവരം. ഇതേക്കുറിച്ച് വിശദമായ അന്വേഷണത്തിലാണ് വിജിലന്‍സ്.
പ്രതികരിക്കാൻ ഇവിടെ എഴുതുക: