തിരുവനന്തപുരം: കൊച്ചിക്ക് സമീപം മുങ്ങിയ കപ്പലില് നിന്നുള്ള കെമിക്കലുകള് അടങ്ങിയ വീപ്പകള് വിഴിഞ്ഞത്തടിഞ്ഞു. കഴിഞ്ഞ രാത്രി 11 എണ്ണം തീരത്തെത്തിയിരുന്നു. വെള്ളിയാഴ്ച രാത്രി കോവളം ഭാഗത്തു രണ്ടെണ്ണവും ആഴിമലഭാഗത്തു ഒരെണ്ണവും വിഴിഞ്ഞത്ത് അഞ്ചെണ്ണവും അടിഞ്ഞു.
കണ്ടെയ്നറുകള് നീക്കം ചെയ്യാന് ഏല്പ്പിച്ചിരിക്കുന്ന കമ്പനിയുടെ നേതൃത്വത്തില് ഇവ ശേഖരിച്ചു. ശേഖരിച്ച് വീപ്പകള് കോസ്റ്റല് പൊലീസ് സ്റ്റേഷന് വളപ്പില് സൂക്ഷിച്ചിരിക്കുകയാണ്.
കടലില് ഒഴുകിനടക്കുന്ന കെമിക്കലുകള് അടങ്ങിയ ഭാരം കൂടിയ വീപ്പകള് മത്സ്യബന്ധനത്തെ ബാധിക്കുന്നതായി പരാതി ഉണ്ട്. മീന്പിടിക്കാനായി വല വിരിച്ച ശേഷം തിരികെ വലിച്ചുകയറ്റുമ്പോഴാണ് വീപ്പകള് കാണുന്നതെന്ന് മത്സ്യത്തൊഴിലാളികള് പറഞ്ഞു. വലകള് പൊട്ടി നഷ്ടം ഉണ്ടായെന്ന് കാട്ടി രണ്ടു തൊഴിലാളികള് കോസ്റ്റല് പൊലീസിന് പരാതി നല്കി. വെള്ളിയാഴ്ച വൈകുന്നേരം വരെ 19 വീപ്പകള് ലഭിച്ചെന്ന് കോസ്റ്റല് പൊലീസ് പറഞ്ഞു.
