നാഗ്പൂര്‍: രാജ്യമൊട്ടാകെനിന്ന് തെരഞ്ഞെടുത്ത ആര്‍എസ്എസ് പ്രവര്‍ത്തകര്‍ക്ക് പരിശീലനം നല്കുന്ന കാര്യകര്‍ത്താ വികാസ് വര്‍ഗ് ദ്വിതീയ സന്ദര്‍ശിച്ച് അമേരിക്കന്‍ ഉന്നതതല പ്രതിനിധി സംഘം. വര്‍ഗിലെത്തി സ്വയംസേവകരുമായി സംവദിച്ച അവര്‍ കഴിഞ്ഞ ദിവസം രേശിംഭാഗില്‍ നടന്ന സമാപന പൊതുപരിപാടിയിലും പങ്കെടുത്തു. ഇതാദ്യമായാണ് ആര്‍എസ്എസ് പരിശീലനശിബിരം ഒരു യുഎസ് സംഘം സന്ദര്‍ശിക്കുന്നത്.
അമേരിക്കന്‍ രാഷ്‌ട്രീയ, നയതന്ത്രമേഖലകളില്‍ നിന്നുള്ള പ്രമുഖരാണ് സന്ദര്‍ശന സംഘത്തില്‍ ഉണ്ടായിരുന്നത്. യുഎസ് പ്രതിനിധി സഭമുന്‍ അംഗവും ഗതാഗത, അടിസ്ഥാന സൗകര്യ വികസന സമിതി മുന്‍ ചെയര്‍മാനുമായ ബില്‍ ഷുസ്റ്റര്‍, വണ്‍ പ്ലസ് സ്ട്രാറ്റജീസ് സ്ഥാപക പങ്കാളിയും ഫെഡറല്‍ ഇന്‍ഫ്രാസ്ട്രക്ചര്‍, ടെക്‌നോളജി നയ രൂപീകരണസമിതി അംഗവും നിയമകാര്യ വിദഗ്ധനുമായ ബോബ് ഷുസ്റ്റര്‍, പബ്ലിക് പോളിസി പ്രാക്ടീഷണര്‍ ആയ ബ്രാഡ്ഫോര്‍ഡ് എലിസണ്‍, വിദേശകാര്യ നയ തന്ത്രജ്ഞനായ വാള്‍ട്ടര്‍ റസ്സല്‍ മീഡ്, യുഎസ്-ഭാരത ബന്ധങ്ങളില്‍ ശ്രദ്ധ കേന്ദ്രീകരിക്കുന്ന ഹഡ്സണ്‍ ഇന്‍സ്റ്റിറ്റ്യൂട്ട് ഫെലോ ബില്‍ ഡ്രെക്‌സല്‍ എന്നിവരാണ് സംഘത്തിലുണ്ടായിരുന്നത്.
ആര്‍എസ്എസ് കാര്യപദ്ധതി, രാഷ്‌ട്രനിര്‍മ്മാണത്തില്‍ സംഘത്തിന്റെ പങ്ക്, സാമൂഹിക വ്യാപനം എന്നിവയെക്കുറിച്ച് അവര്‍ സ്വയംസേവകരുമായി സംവദിച്ചു.
പ്രതികരിക്കാൻ ഇവിടെ എഴുതുക: