തൃശൂര്: പടിയൂരില് അമ്മയും മകളും മരിച്ചത് കൊലപാതകം. പടിയൂര് സ്വദേശി മണി (74) , മകള് രേഖ (43) എന്നിവരാണ് കൊല്ലപ്പെട്ടത്. സംഭവത്തില് രേഖയുടെ രണ്ടാം ഭര്ത്താവ് കോട്ടയം സ്വദേശി പ്രേംകുമാറിനെ പൊലീസ് അന്വേഷിക്കുന്നു.
കഴുത്തു ഞെരിച്ച് കൊന്നതാകാമെന്നാണ് പൊലീസ് നിഗമനം. ഭാര്യയും പുരുഷ സുഹൃത്തുക്കളും തമ്മിലുള്ള ചിത്രങ്ങള് വസ്ത്രത്തില് ഒട്ടിച്ച നിലയില് കണ്ടെത്തിയിട്ടുണ്ട്. ഭാര്യയുടെ സ്വഭാവത്തെ വിമര്ശിച്ചും കുറിപ്പ് കണ്ടെത്തി. വാടക വീട്ടിലായിരുന്നു അമ്മയും മകളും താമസിച്ചിരുന്നത്. ദുര്ഗന്ധം വമിച്ചതോടെയാണ് സംഭവം പുറംലോകം അറിഞ്ഞത്.
ദുര്ഗന്ധത്തെ തുടര്ന്ന് അയല്വാസികള് മണിയുടെ മറ്റൊരു മകളെ വിവരം അറിയിച്ചു.ഇവര് വന്ന് വീടിന്റെ പിറക് വശത്തെ വാതില് തുറന്ന് അകത്ത് കയറി നോക്കിയപ്പോഴാണ് അമ്മയും മകളും വീടിന്റെ ഹാളിലും സമീപത്തെ മുറിയിലുമായി മരിച്ച് കിടക്കുന്നത് കണ്ടത്. മൃതദേഹങ്ങള്ക്ക് ദിവസങ്ങളുടെ പഴക്കം ഉണ്ടായിരുന്നു. വീട്ടിലെ സാധനങ്ങള് അലങ്കോലപ്പെട്ട നിലയില് ആയിരുന്നു. മകള് രേഖയുടെ രണ്ടാമത്തെ ഭര്ത്താവ് കോട്ടയം സ്വദേശി പ്രേംകുമാര് കുറച്ച് ദിവസങ്ങള്ക്ക് മുന്പ് ഇവിടെ ഉണ്ടായിരുന്നു. കുറച്ച് ദിവസം മുന്പ് ഇയാള്ക്കെതിരെ ഇരിങ്ങാലക്കുട വനിതാ സ്റ്റേഷനില് പരാതി നല്കിയിരുന്നതായി സഹോദരി പറഞ്ഞു.
