കോട്ടയം: യുവാവുമായി സൗഹൃദം സ്ഥാപിച്ച ശേഷം ഇയാളുമൊത്തുള്ള നഗ്‌നചിത്രങ്ങള്‍ എടുക്കുകയും അതുപയോഗിച്ച് ബ്‌ളാക്ക് മെയില്‍ ചെയ്ത് 60 ലക്ഷം രൂപയും 61 പവന്‍ സ്വര്‍ണവും അപഹരിച്ച കേസില്‍ അതിരമ്പുഴ അമ്മഞ്ചേരി കുമ്മണ്ണൂര്‍ അര്‍ജുന്‍ ഗോപിയുടെ ഭാര്യ ധന്യ (37) അറസ്റ്റിലായി.
ഏപ്രില്‍ മൂന്ന് ഗാന്ധിനഗര്‍ പോലീസ് രജിസ്റ്റര്‍ ചെയ്ത കേസ്സിലെ മറ്റു പ്രതികളായ ഭര്‍ത്താവ് അര്‍ജുന്‍ ഗോപി, അലന്‍ തോമസ് എന്നിവരെ നേരത്തെ അറസ്റ്റ് ചെയ്തിരുന്നു. പ്രധാന പ്രതിയായ ധന്യയുടെ മുന്‍കൂര്‍ ജാമ്യാപേക്ഷ ഹൈക്കോടതി നിരസിച്ച പശ്ചാത്തലത്തിലാണ് അറസ്റ്റ് ചെയ്തത്. കോടതിയില്‍ ഹാജരാക്കിയ ധന്യയെ ഗര്‍ഭിണിയാണെന്ന പരിഗണനയില്‍ ജാമ്യത്തില്‍ വിട്ടു.
2022 മാര്‍ച്ച് മുതല്‍ 2024 ഡിസംബര്‍ വരെയുള്ള കാലയളവിലാണ് കേസ്സിന് ആസ്പദമായ സംഭവം. ധന്യയുടെ വീടിനടുത്ത് വാടകയ്‌ക്ക് താമസിച്ചിരുന്ന യുവാവുമായി പ്രണയം നടിച്ച് അടുത്തുകൂടി ഇയാളുമൊത്തുള്ള നഗ്‌നചിത്രങ്ങള്‍ എടുക്കുകയായിരുന്നു ധന്യയെന്ന് പരാതിയില്‍ പറയുന്നു.
പ്രതികരിക്കാൻ ഇവിടെ എഴുതുക