കേരളത്തിൽ എസ്ഡിപിഐ അല്ലാത്ത നിരവധി ആളുകളെ ഇപ്പോൾ സുടാപ്പി എന്ന് വിളിക്കുന്നു- പരാതിയുമായി എസ്ഡിപിഐ

മലപ്പുറം: നിലമ്പൂരിൽ പി വി അൻവർ മത്സരരം​ഗത്തു നിന്നും പിന്മാറി തങ്ങളെ പിന്തുണയ്‌ക്കണമെന്ന ആവശ്യവുമായി എസ്ഡിപിഐ. രംഗത്തെത്തി. നിലമ്പൂരിൽ എസ്ഡിപിഐ മത്സരിക്കുകതന്നെ ചെയ്യുമെന്നും അൻവർ മത്സരത്തിൽ നിന്നും പിന്മാറണമെന്നും എസ്ഡിപിഐ സംസ്ഥാന പ്രസിഡന്റ് സിപിഎ ലത്തീഫ് ആവശ്യപ്പെട്ടു.

പി വി അൻവർ ഉയർത്തിയ വിഷയങ്ങൾ ചർച്ച ചെയ്യപ്പെടേണ്ടതുണ്ടെന്നും ലത്തീഫ് പറഞ്ഞു. ‘ആഭ്യന്തര വകുപ്പ് ആർഎസ്എസ്‌വൽകരിക്കപ്പെട്ടു എന്ന് എസ്ഡിപിഐ മുന്നേ പറഞ്ഞതാണ്. കേരളത്തിൽ എസ്ഡിപിഐ അല്ലാത്ത നിരവധി ആളുകളെ ഇപ്പോൾ സുടാപ്പി എന്ന് വിളിക്കുന്നുണ്ട്. എസ്ഡിപിഐ ആർക്കും വോട്ട് കൊടുക്കില്ല. എസ്ഡിപിഐ നിലമ്പൂരിൽ സ്ഥാനാർത്ഥിയെ പിൻവലിക്കില്ല. നിലമ്പൂരിൽ മത്സരിക്കുക തന്നെ ചെയ്യും’, അദ്ദേഹം പറഞ്ഞു.