കൊച്ചി:മറൈന് ഡ്രൈവില് വാട്ടര് മെട്രോ ബോട്ട് കരയ്ക്കടുപ്പിക്കുന്നതിനിടെ ജെട്ടിയിലിടിച്ച് രണ്ട് പേര്ക്ക് പരിക്കേറ്റു. വാട്ടര് മെട്രോ ഹൈക്കോര്ട്ട് ജെട്ടിയില് ചൊവ്വാഴ്ച വൈകിട്ട് 6 മണിയോടെയായിരുന്നു സംഭവം.
രണ്ട് പേരുടെയും പരിക്ക് സാരമുള്ളതല്ലെന്ന് അധികൃതര് അറിയിച്ചു.ഫോര്ട്ട് കൊച്ചിയില് നിന്നും 50ലേറെ യാത്രക്കാരുമായി എത്തിയ ബോട്ടാണ് അപകടത്തില്പ്പെട്ടത്.
ഇടിയുടെ ആഘാതത്തില് ബോട്ടില് ഉണ്ടായിരുന്ന കുട്ടികള് ഉള്പ്പെടെ യാത്രക്കാര് നിലത്തുവീണു. യന്ത്ര തകരാറിനെ തുടര്ന്ന് കരയ്ക്കടുപ്പിക്കുന്നതിനിടെ ബോട്ട് ജെട്ടിയില് ഇടിക്കുകയായിരുന്നുവെന്ന് വാട്ടര് മെട്രോ അധികൃതര് അറിയിച്ചു. ബോട്ട് ബുധനാഴ്ച വിശദമായ പരിശോധനയ്ക്ക് വിധേയമാക്കുമെന്നും അധികൃതര് പറഞ്ഞു.
