പത്ത് ലക്ഷത്തോളം തേനീച്ചകളുമായി പോയ ട്രക്ക് മറിഞ്ഞു ; പ്രദേശത്തുനിന്ന് മാറിനിൽക്കാൻ ജനങ്ങൾക്ക് മുന്നറിയിപ്പ്

വാഷിംഗ്ടൺ ; അമേരിക്കയിലെ വാഷിംഗ്ടണിൽ ദശലക്ഷക്കണക്കിന് തേനീച്ചകളുമായി പോയ ട്രക്ക് മറിഞ്ഞു. തേനീച്ചക്കൂട്ടങ്ങളുടെ ആക്രമണസാധ്യത കാരണം പ്രദേശത്തുനിന്ന് മാറിനിൽക്കാൻ ജനങ്ങളോട് നിർദ്ദേശിച്ചിട്ടുണ്ട്.

ട്രക്കിൽ 31,730 കിലോഗ്രാം ഭാരമുള്ള തേനീച്ചക്കൂടുകൾ കൊണ്ടുപോകുകയായിരുന്നു. ട്രക്ക് നിയന്ത്രണം നഷ്ടപ്പെട്ട് കനേഡിയൻ അതിർത്തിക്ക് സമീപം മറിയുകയായിരുന്നു. മാസ്ക്ക് ധരിച്ച് ശരീരം മുഴുവൻ പൊതിഞ്ഞാണ് രക്ഷാപ്രവർത്തകർ പോലും എത്തിയത് . സംഭവത്തിന്റെ ദൃശ്യങ്ങളും പുറത്ത് വന്നിട്ടുണ്ട്.