ഇസ്ലാമാബാദ്: പാകിസ്ഥാനിൽ പ്രശസ്ത ടിക്ക് ടോക്ക് താരമായ സന യൂസഫ് അജ്ഞാതന്റെ വെടിയേറ്റ് മരിച്ചു. സനയ്‌ക്ക് 17 വയസ്സ് മാത്രമായിരുന്നു പ്രായം. ഇസ്ലാമാബാദിൽ വെച്ചാണ് സന വെടിയേറ്റ് മരിച്ചതെന്ന് പറയപ്പെടുന്നു. പ്രാദേശിക മാധ്യമ റിപ്പോർട്ടുകൾ പ്രകാരം ഈ സംഭവം കഴിഞ്ഞ ദിവസമാണ് നടന്നതെന്നും പോലീസ് ഇക്കാര്യം അന്വേഷിക്കുന്നുണ്ടെന്നും റിപ്പോർട്ടുകളുണ്ട്.
പ്രാഥമിക റിപ്പോർട്ടുകൾ പ്രകാരം കൊലപാതകത്തിന് പിന്നിലെ കാരണങ്ങൾ ഇതുവരെ അറിവായിട്ടില്ല. എന്നാൽ സോഷ്യൽ മീഡിയയിലെ സനയുടെ ജനപ്രീതിയും അവരുടെ വ്യക്തിജീവിതവുമായി ബന്ധപ്പെട്ട വശങ്ങളും അന്വേഷിക്കുന്നുണ്ട്. ടിക് ടോക്കിലെ നൃത്ത വീഡിയോകൾക്കും ലിപ്-സിങ്ക് വീഡിയോകൾക്കും പേരുകേട്ട സന യൂസഫിന് പതിനായിരക്കണക്കിന് ഫോളോവേഴ്‌സ് ഉണ്ടായിരുന്നു. അവരുടെ മരണവാർത്ത സോഷ്യൽ മീഡിയയിലെ ആരാധകർക്കിടയിൽ ദുഃഖം പരത്തിയിട്ടുണ്ട്.
അതേ സമയം വിഷയം ആഴത്തിൽ അന്വേഷിക്കുന്നുണ്ടെന്ന് പാകിസ്ഥാൻ പോലീസ് പറയുന്നു. വ്യക്തിവൈരാഗ്യം, സൈബർ ഭീഷണി അല്ലെങ്കിൽ മറ്റ് സാമൂഹിക കാരണങ്ങളായിരിക്കാം സനയുടെ കൊലപാതകത്തിന് പിന്നിലെ സാധ്യമായ കാരണങ്ങളെന്ന് പാക് പോലീസ് സൂചിപ്പിക്കുന്നു.
ഇതിനു പുറമെ നീതി ആവശ്യപ്പെട്ട് സോഷ്യൽ മീഡിയയിലെ നിരവധി ഉപയോക്താക്കൾ #JusticeForSanaYousaf ട്രെൻഡ് ചെയ്യാൻ തുടങ്ങിയിട്ടുണ്ട്.
പ്രതികരിക്കാൻ ഇവിടെ എഴുതുക