വിശദവിവരങ്ങളടങ്ങിയ വിജ്ഞാപനം www.ecil.co.in/careers- ല്‍
ഓണ്‍ലൈനില്‍ ജൂണ്‍ 5 വരെ ഉച്ചക്ക് 2 മണിവരെ അപേക്ഷിക്കാം
അപേക്ഷാ ഫീസ് ജനറല്‍/ഇഡബ്ല്യുഎസ്/ഒബിസി വിഭാഗങ്ങള്‍ക്ക് 750 രൂപ
ഗ്രാഡുവേറ്റ് എന്‍ജിനീയര്‍ ട്രെയിനി തസ്തികയില്‍ 80, ടെക്‌നീഷ്യന്‍ തസ്തികയില്‍ 45 ഒഴിവുകളുമുണ്ട്
കേന്ദ്ര ആണവോര്‍ജ വകുപ്പിന് കീഴിലുള്ള പൊതുമേഖലാ സ്ഥാപനമായ ഇലക്‌ട്രോണിക്‌സ് കോര്‍പ്പറേഷന്‍ ഓഫ് ഇന്ത്യ ലിമിറ്റഡ് ഹൈദ്രാബാദ് അതിന്റെ വിവിധ മേഖല/ബ്രാഞ്ച്/സൈറ്റ് ഓഫീസുകളിലേക്ക് താഴെ പറയുന്ന തസ്തികകളില്‍ നിയമനത്തിന് അപേക്ഷകള്‍ ക്ഷണിച്ചു. അപേക്ഷാ ഫീസ് ജനറല്‍/ഇഡബ്ല്യുഎസ്/ഒബിസി വിഭാഗങ്ങള്‍ക്ക് 750 രൂപ.
ഗ്രാഡുവേറ്റ് എന്‍ജിനീയര്‍ ട്രെയിനി (ജിഇടി), ശമ്പള നിരക്ക് 40,000-1,40,000 രൂപ. ഒഴിവുകള്‍ 80 (ഇസിഇ/ഇലക്‌ട്രോണിക്‌സ്/ഇലക്‌ട്രോണിക്‌സ് ആന്റ് ടെലികമ്മ്യൂണിക്കേഷന്‍ 34, ഇലക്‌ട്രോണിക്‌സ് ആന്റ് ഇന്‍സ്ട്രുമെന്റേഷന്‍/ഇന്‍സ്ട്രുമെന്റേഷന്‍ 2, കമ്പ്യൂട്ടര്‍ സയന്‍സ് ആന്റ് എന്‍ജിനീയറിങ്/ഐടി 18, മെക്കാനിക്കല്‍ 16, ഇലക്ട്രിക്കല്‍/ഇലക്ട്രിക്കല്‍ ആന്റ് ഇലക്‌ട്രോണിക്‌സ് 5, സിവില്‍ 3, കെമിക്കല്‍ 2). യോഗ്യത: ബന്ധപ്പെട്ട ബ്രാഞ്ചില്‍/ഡിസിപ്ലിനില്‍ മൊത്തം 60 ശതമാനം മാര്‍ക്കില്‍ കുറയാതെ നാലുവര്‍ഷത്തെ ഫുള്‍ടൈം ഫസ്റ്റ് ക്ലാസ് എന്‍ജിനീയറിങ് ബിരുദം. അവസാനവര്‍ഷ/സെമസ്റ്റര്‍ വിദ്യാര്‍ത്ഥികളെയും വ്യവസ്ഥകള്‍ക്ക് വിധേയമായി പരിഗണിക്കും. പ്രായപരിധി 30.4.2025 ല്‍ 27 വയസ്. എസ്‌സി/എസ്ടി വിഭാഗങ്ങള്‍ക്ക് 5 വര്‍ഷം, ഒബിസി നോണ്‍ ക്രീമിലെയര്‍ വിഭാഗങ്ങള്‍ക്ക് 3 വര്‍ഷം, ഭിന്നശേഷിക്കാര്‍ക്ക് 10 വര്‍ഷം, വിമുക്തഭടന്മാര്‍ക്കും മറ്റും ചട്ടപ്രകാരവും പ്രായപരിധിയില്‍ ഇളവുണ്ട്. എസ്‌സി/എസ്ടി വിഭാഗങ്ങളില്‍പ്പെടുന്നവര്‍ക്ക് യോഗ്യതാപരീക്ഷക്ക് 50 ശതമാനം മാര്‍ക്ക് മതിയാകും. കമ്പ്യൂട്ടര്‍ അധിഷ്ഠിത പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് സെലക്ഷന്‍. ബാംഗ്ലൂര്‍, ചെന്നൈ, ഹൈദ്രാബാദ്, മുംബൈ, ന്യൂദല്‍ഹി, കൊല്‍ക്കത്ത പരീക്ഷാകേന്ദ്രങ്ങളാണ്.
ടെക്‌നീഷ്യന്‍ ഗ്രേഡ് 2, അടിസ്ഥാന ശമ്പളം 20480 രൂപ, ഒഴിവുകള്‍ 45 (ഇലക്‌ട്രോണിക്‌സ് മെക്കാനിക് 11, ഫിറ്റര്‍ 7, മെഷ്യനിസ്റ്റ് 7, ടര്‍ണര്‍ 5, ഷീറ്റ് മെറ്റല്‍ 2, വെല്‍ഡര്‍ 2, കാര്‍പ്പന്റര്‍ 2, പെയിന്റര്‍ 2), യോഗ്യത- എസ്എസ്എല്‍സി/തത്തുല്യം+ബന്ധപ്പെട്ട ട്രേഡില്‍ ഐടിഐ/നാഷണല്‍ ട്രേഡ് സര്‍ട്ടിഫിക്കറ്റ് വിത്ത് നാഷണല്‍ അപ്രന്റീസ്ഷിപ്പ് സര്‍ട്ടിഫിക്കറ്റ് (എന്‍എസി) അല്ലെങ്കില്‍ എസ്എസ്എല്‍സി/തത്തുല്യം+ഐടിഐ (എന്‍ടിസി) സര്‍ട്ടിഫിക്കറ്റ്, മാനുഫാക്ചറിങ് പ്രോസസിലുള്ള ഒരുവര്‍ഷത്തെ പ്രവൃത്തിപരിചയം. പ്രായപരിധി 30-4-2025 ല്‍ 27 വയസ്. നിയമാനുസൃത വയസ്സിളവ് ലഭിക്കും.
ബാംഗ്ലൂര്‍, ചെന്നൈ, ഹൈദ്രാബാദ്, മുംബൈ, ന്യൂദല്‍ഹി, കൊല്‍ക്കത്ത കേന്ദ്രങ്ങളിലായി നടത്തുന്ന കമ്പ്യൂട്ടര്‍ അധിഷ്ഠിത പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് സെലക്ഷന്‍.
വിശദവിവരങ്ങളടങ്ങിയ വിജ്ഞാപനം www.ecil.co.in/careers ല്‍ ലഭിക്കും. നിര്‍ദ്ദേശാനുസരണം ഓണ്‍ലൈനില്‍ ജൂണ്‍ 5 ഉച്ചക്ക് രണ്ടുമണിവരെ അപേക്ഷിക്കാം. എസ്‌സി/എസ്ടി/ഒബിസി നോണ്‍ ക്രീമിലെയര്‍/ഇഡബ്ല്യുഎസ് വിഭാഗങ്ങളില്‍പ്പെടുന്നവര്‍ക്ക് ഒഴിവുകളില്‍ സംവരണമുണ്ട്. കൂടുതല്‍ വിവരങ്ങള്‍ക്ക് വിജ്ഞാപനം കാണുക.
പ്രതികരിക്കാൻ ഇവിടെ എഴുതുക: