ഔഡി ഇന്ത്യയുമായി കൈകോർത്ത് ഒളിംപിക് ചാമ്പ്യൻ നീരജ് ചോപ്ര; ബ്രാൻഡിന്റെ ഭാഗമാകുന്നതിൽ സന്തോഷം പങ്കുവച്ച് താരം

ന്യൂദൽഹി: ഡബിൾ ഒളിമ്പിക് മെഡൽ ജേതാവും ആഗോള സ്പോർട്സ് ഐക്കണുമായ നീരജ് ചോപ്ര ജർമ്മൻ കാർ നിർമ്മാതാക്കളായ ഔഡിയുമായി കൈകോർത്തു. ടോക്കിയോ ഒളിമ്പിക് ഗെയിംസിൽ ജാവലിൻ ത്രോ മത്സരത്തിൽ ചരിത്രപരമായ വിജയം രചിച്ച ചോപ്ര എഞ്ചിനീയറിംഗ് മികവ്, ഇന്നോവേഷൻസ്, അത്യാധുനികത എന്നിവയ്‌ക്ക് ആഗോളതലത്തിൽ പ്രശസ്തമായ ബ്രാൻഡായ ഔഡിയുടെ ബ്രാൻഡ് അംബാസിഡർ ആയി മാറുകയാണ്.

“അതിരുകളും പരിമിതികളും മറികടക്കാനും മികവിനെ അശ്രാന്തമായി പിന്തുടരാനും തയ്യാറുള്ളവരാണ് ഞങ്ങൾക്ക് പ്രചോദനമാകുന്നത്. നീരജ് ചോപ്ര ഇതിന്റെ നല്ല ഉദാഹരണമാണ്. അദ്ദേഹത്തിന്റെ ശ്രദ്ധയും വേഗതയും ഉച്ചസ്ഥായിയിലെ പ്രകടനവും ബ്രാൻഡിന്റെ ഭാഗമാകാൻ അദ്ദേഹത്തെ യോജ്യനാക്കുന്നു. ഔഡിയുടെ പുരോഗമനപരമായ ഡിഎൻഎയെ പ്രതിഫലിപ്പിക്കുന്നതാണ് ചോപ്രയുടെ ഗുണവിശേഷങ്ങൾ”. ഔഡി ഇന്ത്യയുടെ തലവൻ ബൽബീർ സിംഗ് ധില്ലൺ പറഞ്ഞു.

“ഔഡിയെ എക്കാലത്തും വലിയ ബഹുമാനത്തോടെയാണ് ഞൻ നോക്കി കണ്ടിരുന്നത്. കാറുകൾ മാത്രമല്ല അതിനു കാരണം. ഈ ബ്രാൻഡ് എന്തിനെ പ്രധിനിതീകരിക്കുന്നു എന്നുള്ളതും കാരണമാണ്. ഈ മൂല്യങ്ങൾ ഞാനുമായി ഏറെ ചേർന്ന് നിൽക്കുന്നതാണ്. എങ്ങനെ കളിസ്ഥലത്തും ജീവിതത്തിലുമുള്ള ഓരോ നിമിഷവും മികച്ചതാക്കാം എന്നതാണ് എന്റെ ലക്ഷ്യം. ഇത്തരത്തിലുള്ള മുന്നേറ്റചിന്തയുള്ള ഒരു ബ്രാൻഡിന്റെ ഭാഗമാകുന്നതിൽ എനിക്ക് അത്യന്തം സന്തോഷമുണ്ട്,” – പങ്കാളിത്തത്തെ കുറിച്ച് നീരജ് ചോപ്ര പറഞ്ഞു.