തിരുവനന്തപുരം: പാകിസ്ഥാന്‍ ക്രിക്കറ്റ് താരങ്ങള്‍ക്ക് ദുബായിലെ മലയാളികളുടെ സംഘടന സ്വീകരണം നല്‍കിയെന്ന് കേട്ടപ്പോള്‍ ഞെട്ടിപ്പോയെന്ന് സൂര്യ കൃഷ്ണമൂര്‍ത്തി. കുസാറ്റിലെ അലൂമിനികളുടെ സംഘടനയായ കുബാ യുഎഇ (CUBAA UAE) യുടെ പേരിലാണ് ഇന്ത്യയെ അധിക്ഷേപിച്ച പാക് ക്രിക്കറ്റ് താരം ഷഹീദ് അഫ്രീദി ഉള്‍പ്പെടെയുള്ളവര്‍ക്ക് സ്വീകരണം നല്‍കിയത്.
ഇന്ത്യാ പാക് യുദ്ധവും ഓപ്പറേഷന്‍ സിന്ദൂറും പഹല്‍ഗാം ഭീകരാക്രമണവും ചൂടുള്ള ചര്‍ച്ചാവിഷയമായിരിക്കെയാണ് ഒരു സംഘം മലയാളി യുവാക്കള്‍ ഇന്ത്യ അധിക്ഷേപിച്ച പാക് ക്രിക്കറ്റ് താരങ്ങള്‍ക്ക് സ്വീകരണം നല്‍കിയത്.
“ഈ വാര്‍ത്ത കേട്ടപ്പോള്‍ അക്ഷരാര്‍ത്ഥത്തില്‍ താന്‍ തളര്‍ന്നുപോയി” – സൂര്യ കൃഷ്ണമൂര്‍ത്തി പറഞ്ഞു. സ്വീകരണപരിപാടിയുടെ വീഡിയോയും പുറത്തുവന്നിരുന്നു. സംഘാടകര്‍ക്ക് പുറമെ ഹാളില്‍ കുറെ ദുബായ് മലയാളികളും പങ്കെടുത്തിരുന്നു. ഇവര്‍ ഷഹീദ് അഫ്രീദിയുടെ പ്രസംഗം കേട്ട് ആര്‍ത്തട്ടഹസിക്കുകയും കയ്യടിക്കുകയും ചെയ്യുന്നത് കാണാമായിരുന്നു. പാക് ക്രിക്കറ്റ് താരം ഉമര്‍ ഗുല്ലിലും സ്വീകരണം നല്‍കിയിരുന്നു.
പ്രതികരിക്കാൻ ഇവിടെ എഴുതുക: