റിയാദ്: സൗദി അറേബിയയില്‍ മലയാളി യുവാവ് വെടിയേറ്റു മരിച്ചു. കാസര്‍ഗോഡ് എന്നിയാടി സ്വദേശി കുമ്പയാക്കോട് മുഹമ്മദ് ബഷീര്‍ (42) ആണ് കൊല്ലപ്പെട്ടത്.ഞായറാഴ്ച രാവിലെയാണ് വെടിയേറ്റത്. ആക്രമിച്ചത് ആര് എന്നതില്‍ വ്യക്തത ഇല്ല.
ഈജിപ്ഷ്യന്‍ പൗരന്‍ ആണ് രാവിലെ മുഹമ്മദ് ബഷീറിനെ ആശുപത്രിയിലെത്തിച്ചത്.ആശുപത്രിയിലെത്തിക്കും മുന്‍പ് തന്നെ മരിച്ചു.
സൗദിയിലെ ബീഷക്ക് സമീപം നഗിയയിലാണ് സംഭവം.മുഹമ്മദ് ബഷീറിന്റെ മുറിയുടെ സമീപത്ത് വച്ചാണ് വെടിയേറ്റത്. ശബ്ദം കേട്ട് സമീപവാസികളെത്തിയപ്പോള്‍ യുവാവ് വെടിയേറ്റ് കിടക്കുന്നതാണ് കണ്ടത്.ടാക്‌സി ഡ്രൈവറായിരുന്നു മുഹമ്മദ് ബഷീര്‍ .
വാഹനം കഴുകുന്നതിനിടെ വെടിയേറ്റെന്നാണ് വിവരം. മൃതദേഹം ബിഷയിലെ മലിക് അബ്ദുല്ല ആശുപത്രി മോര്‍ച്ചറിയില്‍. പൊലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: