വാണിജ്യ എൽപിജി സിലിണ്ടറുകളുടെ വില കുറച്ചു ; നിരക്ക് എത്ര കുറഞ്ഞുവെന്ന് അറിയാം

ന്യൂദൽഹി: എണ്ണ വിപണന കമ്പനികൾ എല്ലാ മാസവും ഒന്നാം തീയതി ഗ്യാസ് സിലിണ്ടറുകളുടെ വിലയിൽ മാറ്റം വരുത്തുന്നത് പതിവാണ്. ഈ മാസവും എണ്ണ വിപണന കമ്പനികൾ വാണിജ്യ എൽപിജി ഗ്യാസ് സിലിണ്ടറുകളുടെ വില പരിഷ്കരിച്ചു.

ജൂൺ 1 മുതൽ എണ്ണ കമ്പനികൾ 19 കിലോഗ്രാം വാണിജ്യ എൽപിജി സിലിണ്ടറിന്റെ വിലയിൽ 24 രൂപ കുറച്ചു. ജൂൺ 1 മുതൽ ഈ കുറവ് പ്രാബല്യത്തിൽ വരും. 19 കിലോഗ്രാം വാണിജ്യ എൽപിജി സിലിണ്ടറിന്റെ റീട്ടെയിൽ വില ഇപ്പോൾ 1,723.50 രൂപയാണ്. ആഗോള അസംസ്കൃത എണ്ണ നിരക്കുകളും വിവിധ വിപണി ഘടകങ്ങളും കണക്കിലെടുത്ത് എണ്ണ കമ്പനികൾ പതിവായി എൽപിജി വില പരിഷ്കരിക്കുന്നത്.

അതേ സമയം വാണിജ്യ എൽപിജി സിലിണ്ടറുകൾക്ക് വില കുറച്ചത് ഹോട്ടലുകൾ, റെസ്റ്റോറന്റുകൾ, വാണിജ്യ എൽപിജി സിലിണ്ടറുകൾ ഉപയോഗിക്കുന്ന മറ്റ് വാണിജ്യ സ്ഥാപനങ്ങൾ എന്നിവയ്‌ക്ക് ഏറെ അനുഗ്രഹമായി.