ന്യൂദല്‍ഹി: പാകിസ്ഥാന്‍ സൈനികമേധാവി അസിം മുനീറിനെതിരെ വിമര്‍ശിച്ച് സിപിഎം എംപിയായ ജോണ്‍ ബ്രിട്ടാസ്. മുസ്ലിങ്ങളും ഹിന്ദുക്കളും തമ്മില്‍ വ്യത്യാസമുണ്ടെന്നാണ് അസിം മുനിര്‍ പറഞ്ഞതെന്നും അതുകൊണ്ടാണ് പാകിസ്ഥാന്‍ രൂപീകരിച്ചതെന്നുമുള്ള വാദം അംഗീകരിക്കാന്‍ കഴിയില്ലെന്നും ജോണ്‍ ബ്രിട്ടാസ് അഭിപ്രായപ്പെട്ടു. ഓപ്പറേഷന്‍ സിന്ദൂറിനെ പിന്തുണച്ച് പ്രതിപക്ഷ എംപിമാര്‍ ഇന്തോനേഷ്യയിലെ തലസ്ഥാനമായ ജക്കാര്‍ത്തയില്‍ സംസാരിക്കുകയായിരുന്നു ജോണ്‍ ബ്രിട്ടാസ്.
അസിം മുനീര്‍ നടത്തിയ ഒരു വിവാദപ്രസംഗമായിരുന്നു പഹല്‍ഗാമിലെ ഭീകരാക്രമണത്തിന് തന്നെ കാരണമായത്. “എല്ലാ രീതിയിലും മുസ്ലിങ്ങള്‍ വ്യത്യസ്തരാണെന്നാണ് നമ്മുടെ പൂര്‍വ്വീകര്‍ പറഞ്ഞത്. മുസ്ലിങ്ങളുടെ സംസ്കാരം വേറെയാണ്. ചടങ്ങുകള്‍ വേറെയാണ്. ചിന്തകള്‍ വേറെയാണ്. ആഗ്രഹങ്ങള്‍ വേറെയാണ്. അതുകൊണ്ടാണ് മതത്തിന്റെ അടിസ്ഥാനത്തില്‍ നമ്മുടെ പൂര്‍വ്വികര്‍ പാകിസ്ഥാന്‍ എന്ന രാജ്യം തന്നെ നിര്‍മ്മിച്ചത്.ഇത് നിങ്ങള്‍ നിങ്ങളുടെ കുട്ടികളോട് പറയണം. അപ്പോള്‍ അവര്‍ പാകിസ്ഥാന്റെ കഥ മറക്കില്ല” – ഇതായിരുന്നു അസിം മുനീര്‍ പാകിസ്ഥാനില്‍ നടത്തിയ പ്രസംഗം.
പ്രതികരിക്കാൻ ഇവിടെ എഴുതുക: