എറണാകുളം:വൈപ്പിനില്‍ നിര്‍ത്തിയിട്ട റോ-റോയില്‍ വാട്ടര്‍ മെട്രോ ഇടിച്ചതില്‍ കെഎംആര്‍എല്‍ ആഭ്യന്തര അന്വേഷണം ആരംഭിച്ചു.ശക്തമായ ഒഴുക്കില്‍ ബോട്ടിന്റെ നിയന്ത്രണം നഷ്ടമായതാണ് അപകടമുണ്ടാക്കിയതെന്നാണ് പ്രാഥമിക സൂചന.
വൈപ്പിന്‍ ജെട്ടിയിലേക്ക് ബോട്ട് അടുപ്പിക്കവെ ജെട്ടിയ്‌ക്ക് സമീപം നിര്‍ത്തിയിട്ടിരുന്ന റോറോയില്‍ മുട്ടി. അപകടത്തില്‍ ബോട്ടിന്റെ മുന്‍ഭാഗത്താണ് കേടുപാടുകള്‍ സംഭവിച്ചത്. റോറോയുടെ കൈവരികള്‍ക്കും കേടുപാടുകള്‍ സംഭവിച്ചു. അപകടമുണ്ടായപ്പോള്‍ യാത്രക്കാരെല്ലാം ബോട്ടിനുള്ളിലായതിനാല്‍ ആര്‍ക്കും പരിക്കില്ല. മറ്റൊരു ബോട്ടിന്റെ സഹായത്തോടെ വാട്ടര്‍ മെട്രോ ബോട്ട് ജട്ടിയോട് ചേര്‍ത്ത് യാത്രക്കാരെ ഇറക്കി.
അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നു.ശക്തമായ ഒഴുക്ക് മൂലം വൈപ്പിന്‍ ഹൈക്കോടതി റൂട്ടില്‍ വാട്ടര്‍ മെട്രോ സര്‍വീസ് രണ്ടര മണിക്കൂര്‍ നിര്‍ത്തിവെച്ചു. ഒഴുക്കിന്റെ ശക്തി കുറയുന്നതുവരെ സര്‍വ്വീസ് മരവിപ്പിച്ചു.പിന്നീട് സര്‍വീസ് പുനരാരംഭിച്ചു.
പ്രതികരിക്കാൻ ഇവിടെ എഴുതുക: