കണ്ണൂര്‍:പരിയാരം ഗവ മെഡിക്കല്‍ കോളേജ് യൂണിയന്‍ കെ എസ് യു – എം എസ് എഫ് സഖ്യം നിലനിര്‍ത്തി.തുടര്‍ച്ചയായ രണ്ടാം തവണയാണ് യു ഡി എസ് എഫ് യൂണിയന്‍ പിടിക്കുന്നത്. 28 വര്‍ഷം കഴിഞ്ഞാണ് കഴിഞ്ഞ തവണ കെ എസ് യു – എം എസ് എഫ് സഖ്യം വിജയയിച്ചത്. യു ഡി എസ് എഫ് 17 ല്‍ 12 സീറ്റിലാണ് വിജയിച്ചത്.
യുഡിഎസ്എഫ് സ്ഥാനാര്‍ത്ഥികള്‍ രണ്ട് സീറ്റില്‍ നേരത്തെ എതിരില്ലാതെ ജയിച്ചു. എസ്എഫ്‌ഐ ഒരു ജനറല്‍ സീറ്റുള്‍പ്പെടെ അഞ്ച് സീറ്റുകളില്‍ ജയിച്ചു. നാല് മൈനര്‍, ഒരു മേജര്‍ സീറ്റുകളാണ് എസ്എഫ്‌ഐ നേടിയത്.
കോളേജില്‍ തെരഞ്ഞെടുപ്പ് പ്രചാരണത്തിനിടെ കെഎസ്യു പ്രവര്‍ത്തകനെ എസ്എഫ്‌ഐ നേതാവ് ഭീഷണിപ്പെടുത്തുന്ന വീഡിയോ ദൃശ്യം കഴിഞ്ഞ ദിവസം പുറത്തുവന്നിരുന്നു.എസ്എഫ്‌ഐ സംസ്ഥാന കമ്മിറ്റിയംഗം ടി ജോയല്‍ അവസാന വര്‍ഷ എംബിബിഎസ് വിദ്യാര്‍ത്ഥിയും കെഎസ്യു പരിയാരം മെഡിക്കല്‍ കോളേജ് യൂണിറ്റ് സെക്രട്ടറിയുമായ മുനീറിനെ ഭീഷണിപ്പെടുത്തുന്ന ദൃശ്യം ആണ് പുറത്തുവന്നത്.
പ്രതികരിക്കാൻ ഇവിടെ എഴുതുക: