സിയൂള് :പാകിസ്ഥാന് ഒരു മതാഷ്ഠിത രാഷ്ടമാണെന്നും അത് മതത്തിന്റെ അടിസ്ഥാനത്തില് ജനിച്ച രാജ്യമാണെന്നും . അത് വെറുപ്പിന്റെയും മതഭ്രാന്തിന്റെയും രാജ്യമാണെന്നും ജോണ് ബ്രിട്ടാസ് എംപി. കൊറിയയില് ഓപ്പറേഷന് സിന്ദൂറിനെ അനുകൂലിച്ച് സംസാരിക്കുകയായിരുന്നു ജോണ് ബ്രിട്ടാസ്.. അതേ സമയം ഇന്ത്യ ജനാധിപത്യ, മതേതര രാജ്യമാണെന്നും ജോണ് ബ്രിട്ടാസ്.
.
ഓപ്പറേഷന് സിന്ദൂറിനെ പാശ്ചാത്യമാധ്യമങ്ങള് കൈകാര്യം ചെയ്ത രീതിയെ ജോണ് ബ്രിട്ടാസ് വിമര്ശിച്ചു. ഓപ്പറേഷന് സിന്ദൂറിനെക്കുറിച്ച് പാശ്ചാത്യമാധ്യമങ്ങളുടെ ആഖ്യാനമാണ് നിങ്ങള് കേട്ടത്. ജപ്പാനില് ചെന്നപ്പോഴും ഇതു തന്നെ കേട്ടു. ജപ്പാനിലെ മാധ്യമങ്ങള് നല്കിയ വാര്ത്തകളും പാകിസ്ഥാനോട് നല്ല രീതിയില് ചായ് വുള്ള വാര്ത്തകളായിരുന്നുവെന്നും ജോണ് ബ്രിട്ടാസ് പറഞ്ഞു.
എപി, എഎഫ് പി, റോയിട്ടേഴ്സ് എന്നിവയാണ് ലോകത്ത് കൂടുതല് പ്രചാരത്തിലുള്ള പാശ്ചാത്യ വാര്ത്താ ഏജന്സികള്. ഇവര് പാകിസ്ഥാനോട് ചായ് വുള്ള വാര്ത്തകളാണ് നല്കിയതെന്നും ബ്രിട്ടാസ് വിമര്ശിച്ചു.
ഇവിടെ ഇന്ത്യയില് നിന്നും അഞ്ച് രാഷ്ടീയ പാര്ട്ടി പ്രതിനിധികളാണ് ഈ സംഘത്തിലുള്ളത്. ഇതില് മൂന്ന് പാര്ട്ടികള് പ്രതിപക്ഷപാര്ട്ടികളും രണ്ട് പാര്ട്ടികള് ഭരണവര്ഗ്ഗ പാര്ട്ടികളുമാണ്. ഇന്ത്യയിലെ ജനാധിപത്യത്തിന് ഉദാഹരണമാണ് ഈ സംഘം.- ജോണ് ബ്രിട്ടാസ് പറഞ്ഞു.
