കോട്ടയം : പനച്ചിക്കാട് കൊല്ലാട് പാറയ്‌ക്കല്‍ക്കടവില്‍ മീന്പിടിയ്ക്കാന് പോയ മൂന്നംഗ സംഘത്തിലെ രണ്ടു പേര് വള്ളംമുങ്ങി മരിച്ചു. കൊല്ലാട് പാറയ്‌ക്കല്‍ക്കടവ് പാറത്താഴെ ജോബി വി.ജെ (36), പോളച്ചിറയില്‍ അരുണ്‍ സാം (37) എന്നിവരാണ് മരിച്ചത്. ഒപ്പമുണ്ടായിരുന്ന ജോബിയുടെ സഹോദരന്‍ ജോഷി രക്ഷപ്പെട്ടു.
ചൂണ്ടയിട്ട് പാടശേഖരത്തിലൂടെ നീങ്ങുന്നതിനിടെ വള്ളം മുങ്ങുകയായിരുന്നു. മരിച്ച രണ്ടു പേര്‍ക്കും നീന്തല്‍ വശമില്ലായിരുന്നെന്ന് അറിയുന്നു. ജോബിയെയും അരുണിനെയും രക്ഷിക്കാന്‍ ജോഷി ശ്രമിച്ചെങ്കിലും കഴിഞ്ഞില്ല. അഗ്‌നിരക്ഷാ സേന നടത്തിയ തെരച്ചിലിലാണ് മൃതദേഹങ്ങള്‍ കണ്ടെത്തിയത്.
പ്രതികരിക്കാൻ ഇവിടെ എഴുതുക: