എറണാകുളം: മഴകനത്തതിനെ തുടര്ന്ന് സംസ്ഥാനത്തെ ഒമ്പത് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വെളളിയാഴ്ച അവധി. കാസര്കോട്, കണ്ണൂര്, വയനാട്, പാലക്കാട്, തൃശൂര്, എറണാകുളം, ഇടുക്കി, കോട്ടയം, പത്തനംതിട്ട ജില്ലകളിലാണ് അത ത് ജില്ലാ കളക്ടര്മാര് നാളെ അവധി പ്രഖ്യാപിച്ചത്.
പത്തനംതിട്ട
പത്തനംതിട്ട ജില്ലയില് വിദ്യാഭ്യാസ സ്ഥാപനങ്ങള്ക്ക് വെളളിയാഴ്ച അവധി. അങ്കണവാടികള്, ട്യൂഷന് സെന്ററുകള് തുടങ്ങിയവയ്ക്കും അവധി ബാധകം.
കോട്ടയം
കോട്ടയം ജില്ലയില് ശക്തമായ മഴ തുടരുന്നതിനാലും മഴ മുന്നറിയിപ്പുകള് നിലനില്ക്കുന്നതിനാലും പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെളളിയാഴ്ച അവധി പ്രഖ്യാപിച്ചു. അങ്കണവാടികള്, അവധിക്കാല ക്ലാസുകള് നടത്തുന്ന വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, മറ്റ് അവധിക്കാല കലാ-കായിക പരിശീലന കേന്ദ്രങ്ങള്/ സ്ഥാപനങ്ങള്, മതപാഠശാലകള് എന്നിവയ്ക്കും അവധി ബാധകം.നേരത്തേ നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ല
കോട്ടയത്ത് പരീക്ഷകള് മാറ്റി
മഹാത്മാ ഗാന്ധി സര്വകലാശാല വെളളിയാഴ്ച നടത്താനിരുന്ന എല്ലാ പരീക്ഷകളും മാറ്റിവച്ചതായി പരീക്ഷാ കണ്ട്രോളര് അറിയിച്ചു. പുതിയ തീയതി പിന്നീട് അറിയിക്കും.
എറണാകുളം
ശക്തമായ മഴയും കാറ്റും മൂലം എറണാകുളം ജില്ലയില് പ്രൊഫഷണല് സ്ഥാപനങ്ങള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധി.അങ്കണവാടികള്ക്കും ട്യൂഷന് സെന്ററുകള്ക്കും അവധി ബാധകം.
പാലക്കാട്
പ്രൊഫഷണല് കോളേജുകള്, അങ്കണവാടികള്, കിന്റര്ഗാര്ട്ടന്, മദ്രസ, സ്വകാര്യ ട്യൂഷന് സെന്റര്, സി.ബി.എസ്.ഇ ഉള്പ്പെടെയുളള വിദ്യാഭ്യാസ സ്ഥാപനങ്ങള്ക്കും സ്കൂളുകളിലെ വെക്കേഷന് ക്ലാസുകള്ക്കും വെളളിയാഴ്ച അവധി.
വയനാട്
ജില്ലയിലെ വിദ്യാഭ്യാസ സ്ഥാപനങ്ങള്ക്ക് വെളളിയാഴ്ച അവധി.
അതിശക്തമായ മഴ മുന്നറിയിപ്പ് നിലനില്ക്കുന്ന സാഹചര്യത്തില് ട്യൂഷന് സെന്ററുകള്, മദ്രസകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു. റസിഡന്ഷ്യല് സ്കൂളുകള്ക്കും റസിഡന്ഷ്യല് കോളേജുകള്ക്കും അവധിയില്ല.
തൃശൂര്
കനത്ത മഴ തുടരുന്നതിനാല് മുന്കരുതല് നടപടിയുടെ ഭാഗമായി വെളളിയാഴ്ച ജില്ലയിലെ പ്രൊഫഷണല് കോളജുകള്, കേന്ദ്രീയ വിദ്യാലയങ്ങള്, സി.ബി.എസ്.ഇ, ഐ.സി.എസ്.ഇ സ്കൂളുകള്, അങ്കണവാടികള്, നേഴ്സറികള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെളളിയാഴ്ച അവധി. നേരത്തേ നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
കാസര്കോട്
കാസര്കോട് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, കേന്ദ്രീയ വിദ്യാലയങ്ങള്,,ട്യൂഷന് സെന്റുകള്, സ്പെഷ്യല് ക്ലാസുകള്, അങ്കണവാടികള്, തുടങ്ങിയവയ്ക്ക് വെള്ളിയാഴ്ച അവധി . മുന്കൂട്ടി നിശ്ചയിച്ചിട്ടുളള പരീക്ഷകള്ക്ക് മാറ്റമില്ല.
ഇടുക്കി
ജില്ലയില് മഴയും ശക്തമായ കാറ്റും തുടരുന്ന സാഹചര്യത്തില് വിദ്യാഭ്യാസ സ്ഥാപനങ്ങള്ക്ക് വെളളിയാഴ്ച അവധി.മദ്രസകള്, ട്യൂഷന് സെന്ററുകള്, ട്രെയിനിംഗ് ഇന്സ്റ്റിറ്റ്യൂട്ടുകള്, പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകം.
കണ്ണൂര്
കണ്ണൂര് ജില്ലയില്കനത്ത മഴ തുടരുന്ന സാഹചര്യത്തില് വിദ്യാഭ്യാസ സ്ഥാപനങ്ങള്, അങ്കണവാടികള്, മദ്രസകള്, ട്യൂഷന് സെന്ററുകള്, സ്പെഷ്യല് ക്ലാസുകള് എന്നിവയ്ക്ക് വെള്ളിയാഴ്ച അവധി പ്രഖ്യാപിച്ചു.
കുട്ടനാട്ടില് വിദ്യാഭ്യാസ സ്ഥാപനങ്ങള്ക്ക് അവധി
ശക്തമായ മഴയുടെ പശ്ചാത്തലത്തില് കുട്ടനാട് താലൂക്കിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അംഗന്വാടികള്ക്കും ട്യൂഷന് സെന്ററുകള്ക്കും വെള്ളിയാഴ്ച അവധി.നേരത്തെ നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ല. ശക്തമായ മഴ തുടരുന്ന സാഹചര്യത്തിലാണ് അവധി.
