ഇടുക്കി :മഴ ശക്തിപ്പെട്ടതിനാല് ഇടുക്കിയില് ജാഗ്രത നിര്ദേശം. മണ്ണിടിച്ചില്, ഉരുള്പൊട്ടല് ഭീഷണി നേരിടുന്ന പ്രദേശങ്ങളില് താമസിക്കുന്നവര് ദുരിതാശ്വാസ ക്യാമ്പുകളിലേക്കോ ബന്ധു വീടുകളിലേക്കോ മാറി താമസിക്കണം.
ജില്ലയില് ദുരിതാശ്വാസക്യാമ്പ് സജ്ജീകരിച്ചിട്ടുണ്ട്.ജില്ലയില് ഇന്നും നാളെയും ചുവപ്പ് ജാഗ്രതയാണ്.വിദ്യാഭ്യാസ സ്ഥാപനങ്ങള്ക്കും അവധിയാണ്. ജലനിരപ്പ് ഉയര്ന്നതോടെ പൊന്മുടി ഡാമിന്റെ മൂന്ന് ഷട്ടറുകള് ഉയര്ത്തി. വിവിധ ഇടങ്ങളില് മരം ഒടിഞ്ഞുവീണും, മണ്ണിടിഞ്ഞും വ്യാപക നാശനഷ്ടവും ഉണ്ടായിട്ടുണ്ട്.
പുഴകളിലെയും നദികളിലെയും ജലനിരപ്പ് ഉയര്ന്നതിനാല് ജലാശയങ്ങളില് കുളിക്കുന്നതും മറ്റു പ്രവര്ത്തികളില് ഏര്പ്പെടുന്നതും ശ്രദ്ധിക്കണമെന്ന് നിര്ദേശമുണ്ട്.പാരിസ്ഥിതിക ലോല പ്രദേശങ്ങള് എന്നിവിടങ്ങളില് താമസിക്കുന്നവര് ബന്ധുവീടുകളിലേക്കോ ക്യാമ്പുകളിലേക്കോ മാറി താമസിക്കാന് തയാറാകണം.
