എറണാകുളം: മഴ കനത്തതോടെ ഭൂതത്താന്‍കെട്ട് ഡാമിന്റെ എല്ലാ ഷട്ടറുകളും ഉയര്‍ത്തി.ഡാമിനുള്ളത്. ആകെ 15 ഷട്ടറുകളാണ്. മഴ ശക്തിപ്പെട്ട് തുടങ്ങിയതോടെ ഘട്ടം ഘട്ടമായി ഇന്നലെ വരെ 13 ഷട്ടറുകള്‍ തുറന്നിരുന്നു. ബാക്കി രണ്ടു ഷട്ടറുകളും ഇന്ന് തുറന്നു.
അതിശക്തമായ മഴ നിലനില്‍ക്കുന്നതിനാല്‍ ജലനിരപ്പ് ഉയര്‍ന്നതിനാലാണ് ഭൂതത്താന്‍കെട്ട് ഡാമിന്റെ മുഴുവന്‍ ഷട്ടറുകളും തുറക്കാന്‍ തീരുമാനിച്ചത്. തീരത്തുള്ളവര്‍ക്ക് ആശങ്ക വേണ്ടതില്ല. എന്നാല്‍ ജാഗ്രത വേണമെന്ന് അധികൃതര്‍ അറിയിച്ചു.പെരിയാറില്‍ ജലനിരപ്പ് ഉയര്‍ന്നതോടെ താഴ്ന്ന പ്രദേശങ്ങളിലടക്കം വെള്ളം കയറാനുള്ള സാധ്യത നിലനില്‍ക്കുന്നു. അതിനാല്‍ തീരത്തുള്ളവര്‍ ജാഗ്രത പാലിക്കണം.
അതിനിടെ,കനത്ത മഴയെ തുടര്‍ന്ന് എറണാകുളം ജില്ലയില്‍ ഇതുവരെ 182 വീടുകള്‍ക്ക് നാശനഷ്ടം സംഭവിച്ചു.മൂന്ന് വീടുകള്‍ പൂര്‍ണമായും 179 വീടുകള്‍ ഭാഗികമായും തകര്‍ന്നു.
പ്രതികരിക്കാൻ ഇവിടെ എഴുതുക: