മുംബൈ: മുകേഷ് അംബാനിയുടെ ജിയോ-ബ്ലാക്ക്റോക്ക് സംരംഭം മ്യൂച്വല് ഫണ്ട് നിക്ഷേപരംഗത്തേക്ക് വരുന്നു. ഉപഭോക്താക്കള്ക്ക് മ്യൂച്വല് ഫണ്ടില് വന്ലാഭം നേടിക്കൊടുക്കാന് സഹായിക്കുന്ന വലിയൊരു ആയുധവുമേന്തിയാണ് അംബാനിയുടെ ജിയോ വരുന്നത്.
ലോകത്തിലെ 200 മുന്നിര ഫിനാന്ഷ്യല് കമ്പനികള് ഉപയോഗിക്കുന്ന അലാദ്ദീന് എന്ന സോഫ്റ്റ് വെയറാണ് ഉപയോഗിക്കുന്നത്. ആഗോളതലത്തില് തന്നെ ഏറെ വിശ്വസനീയതയുള്ള ഫിനാന്ഷ്യല് സാങ്കേതികവിദ്യയാണിത്. റിസ്ക് മാനേജ് മെന്റിലും നിക്ഷേപത്തിലും സഹായിക്കുന്ന ശക്തമായ സോഫ്റ്റ് വെയറാണിതെന്ന് ആഗോള മുന്നിര ഫിനാന്ഷ്യല് സ്ഥാപനങ്ങള് ആണയിടുന്നു. ആഗോള തലത്തില് 21 ലക്ഷം കോടി ഡോളര് നിക്ഷേപം മാനേജ് ചെയ്യപ്പെടുന്നത് അലാദ്ദീന് എന്ന സാങ്കേതികവിദ്യ ഉപയോഗിച്ചാണ്.
ഇന്ത്യയിലെ മ്യൂച്വല് ഫണ്ട് നിക്ഷേപകര്ക്ക് വലിയ സാധ്യതയാണ് ഇതുവഴി ജിയോ-ബ്ലാക് റോക്ക് തുറന്നിടുന്നത്.
