കോഴിക്കോട് : യുവാവിനെ ആയുധങ്ങളുമായി എത്തിയ ഒരു സംഘം വീട്ടില് നിന്നും തട്ടിക്കൊണ്ട് പോയി. കൊടുവള്ളി കിഴക്കോത്ത് പരപ്പാറ ആയിക്കോട്ടില് റഷീദിന്റെ മകന് അനൂസ് റോഷനെയാണ് തട്ടി കൊണ്ടുപോയത്.
വിദ്യാര്ത്ഥിയാണ് അനൂസ് റഷീദ്.വൈകിട്ട് 4 മണിയോടെ ആയുധങ്ങളുമായി കാറില് എത്തിയ സംഘമാണ് തട്ടിക്കൊണ്ട് പോയത്.
വിദേശത്തുളള അനൂസ് റോഷന്റെ സഹോദരന് അജ്മല് റോഷനുമായി ബന്ധപ്പെട്ട് അവിടെ ഉണ്ടായ സാമ്പത്തിക ഇടപാടുകളുടെ ഭാഗമായിട്ടാണ് സഹോദരനെ തട്ടിക്കൊണ്ട് പോയെതെന്നാണ് കരുതുന്നത്. സംഭവത്തില് കൊടുവള്ളി പൊലീസ് അന്വേഷണം തുടങ്ങി. കാറിലും ബൈക്കിലുമാണ് സംഘം എത്തിയത്. പിതാവിനെ തട്ടിക്കൊണ്ടുപോകുന്നത് തടഞ്ഞപ്പോഴാണ് അനൂസിനെ വാഹനത്തിലേക്ക് വലിച്ചുകയറ്റി കൊണ്ടുപോയത്.
സംഘത്തിലെ ഒരാളെ കണ്ട് പരിചയമുണ്ടെന്നും അയാള് മുമ്പ് വീട്ടില് വന്നിട്ടുള്ളതാണെന്നും ഉമ്മ ജമീല പറഞ്ഞു. സാമ്പത്തിക ഇടപാടാണ് തട്ടിക്കൊണ്ട് പോകാനുള്ള കാരണമെന്ന് ജമീല വ്യക്തമാക്കി. പണം കൊടുക്കില്ലെന്ന് പറഞ്ഞിട്ടില്ലെന്നും സാവകാശം വേണമെന്ന് ആവശ്യപ്പെട്ടിരുന്നുവെന്നും അവര് വെളിപ്പെടുത്തി.സംഭവത്തില് സിസിടിവി ദൃശ്യങ്ങള് കേന്ദ്രീകരിച്ച് പൊലീസ് അന്വേഷണം തുടങ്ങി.
