തിരുവനന്തപുരം: ആന്ഡമാന് കടലില് കാലവര്ഷം എത്തിയെന്ന് കേന്ദ്ര കാലാവസ്ഥ വകുപ്പ്. കേരളത്തില് വരും ദിവസങ്ങളില് ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ട്.പത്തനംതിട്ട, എറണാകുളം, ഇടുക്കി, പാലക്കാട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് മഞ്ഞ ജാഗ്രതയാണ്.
തെക്കന് ആന്ഡമാന് കടല്, വടക്കന് ആന്ഡമാന് കടല്, തെക്കന് ബംഗാള് ഉള്ക്കടല്, നിക്കോബാര് ദ്വീപ് എന്നിവയുടെ ചില മേഖലകളിലാണ് കാലവര്ഷം ഇന്ന് എത്തിയത്.അടുത്ത മൂന്ന് മുതല് നാലു ദിവസത്തിനുള്ളില് ദക്ഷിണ അറബിക്കടല്, മാലിദ്വീപ്, കൊമോറിന് മേഖല, ദക്ഷിണ ബംഗാള് ഉള്ക്കടലിന്റെ ചില ഭാഗങ്ങള്, ആന്ഡമാന്-നിക്കോബാര് ദ്വീപുകള് മുഴുവനായും, ആന്ഡമാന് കടലിലിന്റെ ബാക്കി ഭാഗങ്ങള്, മധ്യ ബംഗാള് ഉള്ക്കടലിന്റെ ചില ഭാഗങ്ങള് എന്നിവിടങ്ങളിലേക്ക് കാലവര്ഷം വ്യാപിക്കാന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
കേരളത്തില് ഈ മാസം 27ഓടെയായിരിക്കും കാലവര്ഷം എത്തുക. ഇതില് നാലു ദിവസം മുന്നോട്ടോ പിന്നോട്ടോ ആകാനുള്ള സാധ്യതയുണ്ട്.കേരളത്തില് അടുത്ത ദിവസങ്ങളില് ഇടിയോടുകൂടിയുള്ള ശക്തമായ മഴയ്ക്കാണ് സാധ്യതയുള്ളത്.
