ലഖ്നൗ : ഓപ്പറേഷൻ സിന്ദൂരിലൂടെ ഭീകരതയ്‌ക്കെതിരെ ഇന്ത്യ വലിയ നടപടിയാണ് സ്വീകരിച്ചത്. മെയ് 6-7 രാത്രിയിൽ ഇന്ത്യ വ്യോമാക്രമണം നടത്തി പാകിസ്ഥാനിലെയും പി‌ഒ‌കെയിലെയും 9 ഭീകര കേന്ദ്രങ്ങൾ നശിപ്പിച്ചു. തിങ്കളാഴ്ച രാത്രി ‘മൻ കി ബാത്ത്’ പരിപാടിയെ അഭിസംബോധന ചെയ്യവെ തീവ്രവാദത്തിനെതിരെ ഒരു വിട്ടുവീഴ്ചയുമില്ലാത്ത നയം ഉണ്ടാകുമെന്ന് പ്രധാനമന്ത്രി നരേന്ദ്ര മോദി ആവർത്തിച്ചു പറഞ്ഞിരുന്നു. അതേസമയം തീവ്രവാദ പ്രവർത്തനങ്ങൾക്ക് ശക്തമായ തിരിച്ചടി നൽകിയ ഉത്തർപ്രദേശ് സർക്കാരിന്റെ കഴിഞ്ഞ എട്ട് വർഷത്തെ കണക്കുകൾ പുറത്തുവന്നു.
കഴിഞ്ഞ 8 വർഷത്തിനിടെ ഉത്തർപ്രദേശിൽ തീവ്രവാദവുമായി ബന്ധപ്പെട്ട നിരവധി ശൃംഖലകൾക്കെതിരെ ഫലപ്രദമായ നടപടി സ്വീകരിച്ചു. 2017 മുതൽ, സംസ്ഥാനത്ത് 142 സ്ലീപ്പർ സെല്ലുകളെ അറസ്റ്റ് ചെയ്യുകയോ പൂർണ്ണമായും നശിപ്പിക്കപ്പെടുകയോ ചെയ്തിട്ടുണ്ട്. ഇതിൽ ഒരു ഭീകരനെ ഏറ്റുമുട്ടലിൽ കൊലപ്പെടുത്തുകയും ചെയ്തു.
ഔദ്യോഗിക കണക്കുകൾ പ്രകാരം സംസ്ഥാനത്തെ ആന്റി ടെററിസം സ്ക്വാഡ് (എടിഎസ്) തീവ്രവാദികൾക്ക് അഭയവും വിവരങ്ങളും നൽകുന്ന 131 സജീവ സ്ലീപ്പർ സെല്ലുകളെ പിടികൂടിയിരുന്നു. ഇതിനുപുറമെ തീവ്രവാദികൾക്ക് സാമ്പത്തിക സഹായം നൽകിയിരുന്ന 11 സഹായികളെയും അറസ്റ്റ് ചെയ്തിരുന്നു.
ഈ നടപടികളിൽ ഐസിസ്, അൽ-ഖ്വയ്ദ, ഐഎസ്ഐ, പിഎഫ്ഐ, സിമി, മറ്റ് തീവ്രവാദ സംഘടനകൾ എന്നിവയുമായി ബന്ധമുള്ള നെറ്റ്‌വർക്കുകൾക്കെതിരെ ശക്തമായ നടപടിയാണ് എടിഎസ് സ്വീകരിച്ചത്. ഇതോടൊപ്പം സംസ്ഥാനത്തെ റോഹിംഗ്യകളും ബംഗ്ലാദേശി പൗരന്മാരും ഉൾപ്പെടുന്ന നുഴഞ്ഞുകയറ്റക്കാർക്കെതിരെയും കർശന നടപടി സ്വീകരിച്ചു. കൂടാതെ രാമക്ഷേത്ര വിഷയത്തിൽ മതപരമായ സംഘർഷം സൃഷ്ടിക്കുന്നവർക്കെതിരെ കർശന നടപടി സ്വീകരിച്ചു.
പ്രതികരിക്കാൻ ഇവിടെ എഴുതുക: