ഇസ്ലാമാബാദ് : ഇന്ത്യയ്ക്ക് മുന്നിൽ തോറ്റ് തുന്നം പാടിയ പാകിസ്ഥാൻ വിക്ടറി റാലി നടത്തി . യുദ്ധം അവസാനിപ്പിക്കണമെന്ന് ഇന്ത്യയോട് ആവശ്യപ്പെട്ട പാകിസ്ഥാൻ തന്നെ ലോകത്തിന് മുന്നിൽ നാണം കെടാതിരിക്കാൻ റാലി നടത്തുകയാണ് . മുൻ ക്രിക്കറ്റ് താരം ഷാഹിദ് അഫ്രീദിയാണ് പാകിസ്ഥാന്റെ ഈ ഗതികെട്ട ‘വിജയ’ റാലിക്ക് നേതൃത്വം നൽകിയത്. കറാച്ചിയിലാണ് റാലി നടന്നത് .
പാകിസ്ഥാൻ സൈന്യത്തെ പിന്തുണച്ച് അഫ്രീദി പതാകകൾ വീശുകയും ഗാനങ്ങൾ ആലപിക്കുകയും ചെയ്യുന്നതിന്റെ വീഡിയോകളും പുറത്തു വന്നു . അതേസമയം പാകിസ്ഥാനികളടക്കം റാലിയെ ട്രോളുന്നതിന്റെ ദൃശ്യങ്ങളും പുറത്ത് വന്നു . ഇന്ത്യ ആക്രമണം തുടർന്നിരുന്നെങ്കിൽ ഇന്ത്യൻ സൈന്യം പാകിസ്ഥാനിൽ കയറി ഇന്ന് റാലി നടത്തുമായിരുന്നുവെന്നും, ഇന്ത്യ തകർത്ത ആയുധങ്ങൾ തൂക്കി വിറ്റിട്ട് പോരെ ഈ റാലിയെന്നുമൊക്കെയാണ് കമന്റുകൾ .
