തിരുവനന്തപുരം: രാജീവ് ഗാന്ധി മെഡിക്കല് ലബോറട്ടറി സര്വീസേവനമറിഞ്ഞ് പാക്കേജുകളുടെ പ്രയോജനം നേടാനും പ്രദര്ശന നഗരിയിലെത്തുന്നവര് ആവേശം കാട്ടുന്നു. തിരുവനന്തപുരം മെഡിക്കല്കോളജ്, ജനറല്, നെയ്യാറ്റിന്കര നെടുമങ്ങാട് ഭാഗങ്ങളിലെ ജനറല് ആശുപത്രികളിലടക്കം 24 മണിക്കൂര് സേവനം രാജീവ് ഗാന്ധി മെഡിക്കല് ലബോറട്ടറി സര്വീസ് ഉറപ്പാക്കുന്നുണ്ട്. ഗ്രാമങ്ങളിലെ ആരോഗ്യ കേന്ദ്രങ്ങളില് വഴിയും സേവനങ്ങള് എത്തിക്കുന്നതായും ലാബ് അധികൃതര് പറയുന്നു.
കേന്ദ്ര സര്ക്കാരിന്റെ കീഴില് പ്രവര്ത്തിക്കുന്ന രാജീവ് ഗാന്ധി സെന്റര് ഫോര് ബയോടെക്നോളജി യുടെ നേതൃത്വത്തിലാണ് മെഡിക്കല് ലബോറട്ടറി സര്വീസസ് നടത്തുന്നത്. സംസ്ഥാന സര്ക്കാരുമായി കോര്ഡിനേറ്റ് ചെയ്താണ് പ്രവര്ത്തിക്കുന്നത്. നാഷണല് അക്രഡിറ്റേഷന് ബോര്ഡ് ഫോര് ഹോസ്പിറ്റല് ആന്ഡ് ഹെല്കെയറിന്റെ(എന്എബിഎച്ച്) അംഗീകാരവും ലഭിച്ചിട്ടുണ്ട്. ഡിഎന്എ പരിശോധനയില് നാഷണല് അക്രഡിറ്റേഷന് ബോര്ഡ് ഫോര് ടെസ്റ്റിങ് ആന്ഡ് കാലിബ്രേഷന് ലബോറട്ടറി യുടെ അംഗീകാരവും ലഭിച്ചു. ജന്മഭൂമിയുടെ പ്രദര്ശനമേള പൊതുജങ്ങളിലേക്കുള്ള വെളിച്ചമാണെന്ന് ലാബ് അധികൃതര് പറഞ്ഞു.
