കച്ച്: ഗുജറാത്തിലെ കച്ചിൽ ഇന്ത്യ-പാകിസ്ഥാൻ അതിർത്തിക്ക് സമീപം സംശയാസ്പദമായ സ്ഫോടനം നടന്നതായി റിപ്പോർട്ട്. വിവരം അനുസരിച്ച് സംശയാസ്പദമായ ഒരു ഡ്രോൺ ഉയർന്ന വൈദ്യുതി ലൈനിൽ ഇടിച്ചു പൊട്ടിത്തെറിച്ചുവെന്നാണ്. ഖവ്ദ ഇന്ത്യാ ബ്രിഡ്ജ് അതിർത്തി പ്രദേശത്തിന് സമീപം രാവിലെ 6 മണിയോടെയാണ് സംഭവം.
സ്ഫോടനത്തിന്റെ പശ്ചാത്തലത്തിൽ പോലീസും വ്യോമസേനയും സംഭവത്തിൽ അന്വേഷണം നടത്തുന്നുണ്ട്. സുരക്ഷാ ഏജൻസികൾ ജാഗ്രതയിലാണ്. ഈ ഡ്രോൺ പാകിസ്ഥാനിൽ നിന്ന് അതിർത്തി കടന്നാണോ വന്നതെന്ന് ഇതുവരെ സ്ഥിരീകരിച്ചിട്ടില്ല, എന്നാൽ സംശയിക്കുന്നുമുണ്ട്. അതിന്റെ അവശിഷ്ടങ്ങൾ ശേഖരിച്ചിട്ടുണ്ട്. അതിന്റെ ഉറവിടം എവിടെയാണെന്ന് അന്വേഷിച്ചുവരികയാണ്.
ഇന്ത്യയും പാകിസ്ഥാനും തമ്മിലുള്ള സംഘർഷം അതിന്റെ ഉച്ചസ്ഥായി ലിരിക്കെയാണ് ഇത് നടന്നിരിക്കുന്നത്. അതേ സമയം പഹൽഗാമിലെ ഭീകരാക്രമണത്തിന് ശേഷം പാകിസ്ഥാനെതിരെ ഇന്ത്യ കടുത്ത നിലപാട് സ്വീകരിക്കുന്നുണ്ട്. ബുധൻ പുലർച്ചെ പാകിസ്ഥാനിലെയും പിഒകെയിലെയും ഒമ്പത് സ്ഥലങ്ങളിലെ തീവ്രവാദ ഒളിത്താവളങ്ങളിൽ ഇന്ത്യ ആക്രമണം നടത്തി. ഇതിൽ നിരവധി തീവ്രവാദികൾ കൊല്ലപ്പെട്ടു.
ഇന്ത്യയുടെ ഈ ആക്രമണത്തിൽ പാകിസ്ഥാൻ രോഷാകുലരാണ്. തുടർച്ചയായി അവർ ഭീഷണികൾ ഉയർത്തുന്നുണ്ട്. എൽഒസിയിൽ പാകിസ്ഥാൻ തുടർച്ചയായി വെടിവയ്പ്പ് നടത്തുകയാണ്. വ്യാഴാഴ്ച പാകിസ്ഥാൻ നിയന്ത്രണരേഖയിൽ ഷെല്ലുകളും മോർട്ടാറുകളും പ്രയോഗിച്ചു. വ്യാഴാഴ്ച തന്നെ ഭൂരിഭാഗം ആളുകളും അതിർത്തി പ്രദേശങ്ങൾ വിട്ട് സുരക്ഷിത സ്ഥലങ്ങളിലേക്ക് പോയി. ഈ സാഹചര്യത്തിൽ പാകിസ്ഥാന് ഇന്ത്യൻ സൈന്യം തക്കതായ മറുപടി നൽകുന്നുണ്ട്.
