മുംബയ് : ടെസ്റ്റ് ക്രിക്കറ്റില്‍ നിന്ന് വിരമിക്കുന്നതായി പ്രഖ്യാപിച്ച് രോഹിത് ശര്‍മ. ഇന്‍സ്റ്റാഗ്രാം പോസ്റ്റിലൂടെയാണ് വിരമിക്കല്‍ പ്രഖ്യാപനം.അതേസമയം ഏകദിന ക്രിക്കറ്റില്‍ തുടരുമെന്ന് താരം അറിയിച്ചു.
ട്വന്റി20 ലോകകപ്പ് കിരീട നേട്ടത്തിനു പിന്നാലെ രോഹിത് ശര്‍മ്മ അന്താരാഷ്‌ട്ര ട്വന്റി 20 ക്രിക്കറ്റില്‍നിന്ന് വിരമിച്ചിരുന്നു.
താരം 67 ടെസ്റ്റില്‍ നിന്നായി 12 സെഞ്ച്വറിയും 18 അര്‍ദ്ധ സെഞ്ച്വറിയും ഉള്‍പ്പെടെ 4301 റണ്‍സ് നേടിയിട്ടുണ്ട്. 2023ല്‍ ഇന്ത്യയെ ലോക ടെസ്റ്റ് ചാമ്പ്യന്‍ഷിപ്പിന്റെ ഫൈനലിലേക്ക് നയിച്ചു.
ഇംഗ്ലണ്ട് പര്യടനത്തിനുള്ള ഇന്ത്യന്‍ ടീമിന്റെ നായക പദവിയില്‍ നിന്ന് രോഹിത് ശര്‍മയെ മാറ്റുന്നുവെന്ന വാര്‍ത്ത പുറത്തു വന്നിരുന്നു.ഇതിനിടെയാണ് രോഹിത്തിന്റെ വിരമിക്കല്‍ പ്രഖ്യാപനം.ഇംഗ്ലണ്ടിനെതിരായ അഞ്ചു ടെസ്റ്റു പരമ്പര ജൂണ്‍ 20ന് തുടങ്ങും.
പ്രതികരിക്കാൻ ഇവിടെ എഴുതുക: