തിരുവനന്തപുരം ; ശബരിമല ദർശനത്തിനായി രാഷ്ട്രപതി ദ്രൗപദി മുർമു മെയ് 18 ന് കേരളത്തിലെത്തും . 18, 19 തീയതികളിൽ രാഷ്ട്രപതി കേരളത്തിലുണ്ടാകും . കോട്ടയം കുമരകത്താകും രാഷ്ട്രപതി തങ്ങുകയെന്നാണ് റിപ്പോർട്ട് . രാഷ്ട്രപതിയുടെ സന്ദർശനത്തിന് വേണ്ട സൗകര്യങ്ങൾ ഒരുക്കാൻ സംസ്ഥാന സർക്കാരിന് വിവരം ലഭിച്ചതായി സർക്കാർ വൃത്തങ്ങൾ അറിയിച്ചു.
ഇടവമാസ പൂജയ്ക്കായി ശബരിമല നട തുറക്കുമ്പോൾ രാഷ്ട്രപതി എത്തുമെന്ന് പൊലീസിനും, തിരുവിതാംകൂർ ദേവസ്വം ബോർഡിനും നേരത്തെ അനൗദ്യോഗിക അറിയിപ്പ് ലഭിച്ചിരുന്നു. ഇതോടെ വെർച്വൽ ക്യൂ ബുക്കിങ്ങിലുൾപ്പെടെ ദേവസ്വം ബോർഡ് നിയന്ത്രണങ്ങൾ ഏർപ്പെടുത്തിയിട്ടുണ്ട്. രാഷ്ട്രപതി സന്ദർശിക്കുന്ന ദിവസങ്ങളിൽ ശബരിമലയിൽ കടുത്ത നിയന്ത്രണങ്ങളുണ്ടാകും. ആദ്യാമായാണ് ഒരു രാഷ്ട്രപതി ശബരിമലയിൽ എത്തുന്നത്.മെയ് 14 നാണ് ഇടവമാസപൂജകൾക്കായി ശബരിമല തുറക്കുന്നത് . രാഷ്ട്രപതിയുടെ സന്ദർശനം പ്രമാണിച്ച് ശബരിമലയിൽ മരാമത്ത് ജോലികൾ ദ്രുതഗതിയിൽ നടക്കുകയാണ്.
