മേടക്കൂറ്: അശ്വതി, ഭരണി, കാര്‍ത്തിക (1/4)
എല്ലാ കാര്യത്തിലും തടസ്സങ്ങള്‍ വന്നുപെട്ടേക്കും. ഭാഗ്യാന്വേഷികള്‍ക്ക് ഈ കാലയളവില്‍ ലോട്ടറി അടിക്കാനിടയുണ്ട്. വസ്തുക്കള്‍ കൈമാറ്റം ചെയ്യുമ്പോള്‍ ചതിയില്‍ പെടാതിരിക്കാന്‍ പ്രത്യേകം ശ്രദ്ധിക്കണം. മേലുദ്യോഗസ്ഥരില്‍ നിന്ന് അനുകൂല നിലപാടായിരിക്കും. സ്ത്രീജനങ്ങളില്‍ നിന്ന് സഹായമുണ്ടാകും. ദേഹാരിഷ്ടങ്ങള്‍ വന്നുചേരും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
വാക്പാടവം പ്രകീര്‍ത്തിക്കപ്പെടും. അംഗീകാരവും പ്രശസ്തിയും ലഭിക്കും. പുതിയ സംരംഭങ്ങളുടെ രൂപരേഖ തയ്യാറാക്കുവാന്‍ കഴിയും. വിവാഹകാര്യങ്ങള്‍ തീരുമാനമാകും. വസ്തു സംബന്ധമായി നിലനിന്നിരുന്ന പ്രശ്‌നങ്ങള്‍ക്കു പരിഹാരം കണ്ടെത്തുവാന്‍ കഴിയും.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
സര്‍ക്കാര്‍ ജോലി ലഭിക്കാനവസരമുണ്ടാകും. ഉദ്യോഗത്തില്‍ പ്രൊമോഷന്‍, സ്ഥലമാറ്റം എന്നിവയുണ്ടാകും. വിലപ്പെട്ട ഗൃഹോപകരണങ്ങള്‍ വാങ്ങും. ഏജന്‍സി, ഏര്‍പ്പാടുകളില്‍ നിന്ന് ആദായം ലഭിക്കും. കുടുംബസുഖം കുറയും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
ജോലിയില്‍ പ്രമോഷന്‍ ലഭിക്കും. ഭൂമി സംബന്ധമായ ക്രയവിക്രയങ്ങളും തടസ്സപ്പെടുന്ന സമയമാണ്. ക്രമാതീതമായ വ്യയത്തില്‍ സാമ്പത്തിക ഞെരുക്കം അനുഭവപ്പെടുകയും ചെയ്യും. ആരോഗ്യകാര്യങ്ങളില്‍ അതീവശ്രദ്ധ ആവശ്യമായി വരും. മത്സര പരീക്ഷകളില്‍ പ്രശസ്തമായ വിജയം കൈവരിക്കും.
ചിങ്ങക്കൂറ്: മകം, പൂരം, ഉത്രം (1/4)
കാര്‍ഷികാദയം ലഭിക്കും. ഉദ്യോഗത്തില്‍ ഉയര്‍ച്ചയും വരുമാനത്തില്‍ വര്‍ധനയുമുണ്ടാകും. ജീവിത രീതിയില്‍ ചില ചിട്ടകള്‍ വരുത്തും. സത്കര്‍മങ്ങള്‍ക്കായി പണം ചെലവഴിക്കും. വൈദ്യം, സാങ്കേതിക വിദ്യാഭ്യാസം എന്നിവ നേടിയവര്‍ക്കു ദൂരസ്ഥലത്ത് ജോലി ലഭിക്കുന്നതാണ്.
കന്നിക്കൂറ്: ഉത്രം (3/4), അത്തം, ചിത്തിര (1/2)
പൊതുപ്രവര്‍ത്തനങ്ങളിലേര്‍പ്പെടുകയും ജനമദ്ധ്യത്തില്‍ അംഗീകാരവും പ്രശസ്തിയും ലഭിക്കും. ഊഹക്കച്ചവടത്തില്‍ നിന്നും വരുമാനമുണ്ടാകും. പരീക്ഷകളില്‍ പ്രാഗത്ഭ്യം പ്രകടിപ്പിക്കുവാന്‍ കഴിയും. വിദേശയാത്രയ്‌ക്ക് ശ്രമിക്കുന്നവര്‍ക്ക് ഡോക്യുമെന്റുകളില്‍ അനുകൂല തീരുമാനമുണ്ടാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
കൃഷിയില്‍നിന്നും നാല്‍ക്കാലികളില്‍നിന്നും ആദായം വര്‍ധിക്കും. രാഷ്‌ട്രീയ പ്രവര്‍ത്തകര്‍ക്ക് ഏറ്റവും അനുകൂല സമയമാണ്. വിദേശത്തുള്ളവര്‍ക്ക് ജോലി പോകാനുള്ള സാധ്യതയുണ്ട്. വാഹനം വാങ്ങാനുദ്ദേശിക്കുന്നവര്‍ക്ക് ആഗ്രഹം സാധിക്കും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ഗൃഹനിര്‍മ്മാണമൊ ഗൃഹത്തിന്റെ അറ്റകുറ്റപ്പണികള്‍ നടത്തുകയൊ ചെയ്യും. പുതിയ പഠന വിഷയങ്ങള്‍ കണ്ടെത്തുകയും പഠിത്ത കാര്യങ്ങള്‍ക്കു വേണ്ടി അധിക സമയം ചെലവഴിക്കുകയും ചെയ്യും. വിദേശവുമായി ബന്ധപ്പെട്ട ബിസിനസ്സുകളിലേര്‍പ്പെടും. മത്സര പരീക്ഷകളില്‍ ശോഭിക്കും.
ധനുക്കൂറ്: മൂലം, പൂരാടം, ഉത്രാടം (1/4)
ഒന്നിലധികം, കേന്ദ്രത്തില്‍ നിന്നുള്ള വരുമാനം വര്‍ധിക്കും. പ്രമേഹ രോഗികള്‍ കുറേക്കൂടി ശ്രദ്ധിക്കേണ്ടതാണ്. വാക്കുകള്‍ ഉപയോഗിക്കുമ്പോള്‍ വളരെയധികം ശ്രദ്ധിക്കേണ്ടതാണ്. സ്ത്രീജനങ്ങളുമായി ചില അഭിപ്രായ വ്യത്യാസങ്ങള്‍ ഉണ്ടാകും. ഉദ്യോഗസ്ഥര്‍ക്ക് എക്‌സിക്യൂട്ടീവ് അധികാരം കയ്യാളേണ്ടതായി വരും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ആഗ്രഹിക്കുന്നതുപോലെ കാര്യങ്ങള്‍ക്കു പുരോഗതിയുണ്ടാവുകയില്ല. എന്നാല്‍ സാമ്പത്തികമായി അനുകൂല കാലമാണ്. നഷ്ടപ്പെട്ടുവെന്നു കരുതിയിരുന്ന ധനം തിരികെ ലഭിക്കും. കര്‍മ്മപരമായ ഉത്തരവാദിത്വം വര്‍ധിക്കും. യുവജനങ്ങളുടെ വിവാഹ കാര്യങ്ങള്‍ തീരുമാനമാകും. ഏറ്റെടുത്ത ചുമതലകള്‍ പൂര്‍ത്തീകരിക്കുവാന്‍ കഠിനാദ്ധ്വാനം ആവശ്യമായി വരും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
കുടുംബസ്ഥിതി അഭിവൃദ്ധിപ്പെടും. വിദ്യാഭ്യാസ സ്ഥാപനങ്ങളുമായും കോടതിയുമായും ബന്ധപ്പെടേണ്ട സന്ദര്‍ഭമാകും. തൊഴില്‍രഹിതര്‍ക്ക് ജോലിയില്‍ പ്രവേശിക്കാനവസരമുണ്ടാകും. പ്രമാണങ്ങളില്‍ ഒപ്പുവയ്‌ക്കും. ചെറുയാത്രകള്‍ നിശ്ചയിക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
സ്വന്തമായി വസ്തുവകകള്‍ വാങ്ങുകയോ ഗൃഹം നിര്‍മിക്കുകയോ ചെയ്യും. ഉന്നതവിദ്യാഭ്യാസത്തിനുള്ള അവസരമൊ സാധ്യതയൊ തെളിഞ്ഞുവരും. വാഹനം വാങ്ങുവാന്‍ കഴിയും. ജീവിതസൗകര്യങ്ങള്‍ വര്‍ധിപ്പിക്കുവാന്‍ ചെയ്യാവുന്ന കാര്യങ്ങള്‍ പ്രാവര്‍ത്തികമാകും.
പ്രതികരിക്കാൻ ഇവിടെ എഴുതുക: