തിരുവനന്തപുരം: കോവളം എംഎല്എ എം. വിന്സെന്റിന്റെ ഡ്രൈവര് വിനോദ് നെട്ടത്താന്നിയെയും സുഹൃത്തിനെയും കയ്യേറ്റം ചെയ്തെന്ന് പരാതി.പാപ്പനംകോട് എസ്റ്റേറ്റ് ജംഗ്ഷനിലെ തട്ടുകടയ്ക്ക് സമീപം ഇന്നലെ രാത്രി 7 മണിയോടുകൂടിയാണ് സംഭവം.
ബൈക്കിലെത്തിയ വിനോദും സുഹൃത്തും ചായ കുടിക്കാനായി ഇറങ്ങിയപ്പോഴാണ് ബൈക്ക് മാറ്റി കൊടുക്കണമെന്ന് പറഞ്ഞ് രണ്ടുപേര് വിനോദിനെയും സുഹൃത്ത് ബാലരാമപുരം കൊടിനട സ്വദേശി അഖിലിനെയും മര്ദ്ദിച്ചത്. വിനോദിന്റെ ഷര്ട്ട് വലിച്ചു കീറുകയും മൊബൈല് ഫോണ് തട്ടിയെടുക്കുകയും ബൈക്ക് കേടാക്കിയെന്നും നേമം പൊലീസിന് നല്കിയ പരാതിയില് പറയുന്നു.
നിരവധി കേസുകളില് ഉള്പ്പെട്ട സുഭാഷും അജിയും ചേര്ന്നാണ് ആക്രമണം നടത്തിയത്. ഇവര് മദ്യപിച്ചിരുന്നതായും പൊലീസ് പറഞ്ഞു. നേമം പൊലീസ് കേസെടുത്ത് അന്വേഷണം ആരംഭിച്ചു.
