കോട്ടയം: സംസ്ഥാനത്ത് ഐഎഎസ് ഉദ്യോഗസ്ഥര് ഒന്നിലധികം സുപ്രധാന പദവികള് വഹിക്കുന്നത് വകുപ്പിന്റെ കാര്യക്ഷമതയെ ബാധിക്കുന്നതായി വിലയിരുത്തല്. പലപ്പോഴും പരസ്പരബന്ധമില്ലാത്ത വകുപ്പുകളുടെ ചുമതലകളാണ് ഇവര് ഒരേ സമയം വഹിക്കുന്നത്. വിഷയം പഠിനോ കാര്യക്ഷമമായ മേല്നോട്ടത്തിനോ പലപ്പൊഴും അതിനാല് ഇവര്ക്കു കഴിയാറില്ല. ഏതു നിമിഷവും വീണ്ടും മാറ്റം ഉണ്ടാകാമെന്നതിനാല് വകുപ്പുകളെക്കുറിച്ചു പഠിക്കാന് ഐഎഎസ് ഉദ്യോഗസ്ഥര് താത്പര്യം കാണിക്കാറുമില്ല. അതിനാല് തന്നെ രാഷ്ട്രീയ താല്പ്പര്യങ്ങളുള്ള കീഴുദ്യോഗസ്ഥരുടെ തന്നിഷ്ടത്തിലാണ്് കാര്യങ്ങള് മുന്നോട്ടു പോകുന്നത്.
അടുത്തിടെ വരുത്തിയ മാറ്റത്തില് ഡോ. ശര്മിള മേരി ജോസഫ് വനിതാ ശിശുവികസന സെക്രട്ടറിയാണ്. എന്നാല് ഉന്നത വിദ്യാഭ്യാസ വകുപ്പിന്റെ അധികചുമതലയും അവര്ക്കു നല്കിയിട്ടുണ്ട്.കൃഷി ഡയറക്ടര് ഡോ. ശ്രീറാം വെങ്കിട്ടരാമനാവട്ടെ, കെഎഫ്സി എംഡിയുടെ അധിക ചുമതല വഹിക്കുന്നു. വ്യവസായ വകുപ്പിലെ ഓഫീസര് ഓണ് സ്പെഷ്യല് ഡ്യൂട്ടി ആയ ജൂല തോമസിന് കെടിഡിഎഫ്സി എംഡിയുടെ അധിക ചുമതലയുണ്ട്. വ്യവസായ ഡയറക്ടര് മുഹമ്മദലിക്ക് കെഎസ്ഐഡിസി മാനേജിംഗ് ഡയറക്ടറുടെ ചുമതലയുമുണ്ട്. ഐടി സ്പെഷ്യല് സെക്രട്ടറിയായി നിയമിക്കപ്പെട്ട ശ്രീറാം സാംബശിവ റാവു പരിസ്ഥിതി സ്പെഷ്യല് സെക്രട്ടറി, സര്വ്വേ ഡയറക്ടര് എന്നീ അധിക ചുമതലകളും വഹിക്കുന്നു. വികസന ഡയറക്ടര് ഹരിത വി കുമാറിന് തദ്ദേശവകുപ്പ് പ്രിന്സിപ്പല് ഡയറക്ടറുടെ അധികമതലയുണ്ട്. ഐടി മിഷന് ഡയറക്ടര് സന്ദീപ് കുമാറിനാകട്ടെ റിമോട്ട് സെന്സിംഗ് സെന്റര് ഡയറക്ടറുടെ അധിക ചുമതലയാണുള്ളത്.
