കൊല്ലം: കരുനാഗപ്പള്ളിയില്‍ ആദിനാട് വടക്ക് മക്കളെ തീകൊളുത്തി ആത്മഹത്യക്ക് ശ്രമിച്ച യുവതിക്ക് പിന്നാലെ , പൊളളലേറ്റിരുന്ന രണ്ട് പെണ്‍കുഞ്ഞുങ്ങളും മരിച്ചു. ഒന്നരയും ആറും വയസുള്ള അനാമികയും ആത്മികയും ആണ് മരിച്ചത്. മക്കളെ തീകൊളുത്തിയ ശേഷം അമ്മ ആത്മഹത്യയ്‌ക്ക് ശ്രമിക്കുകയായിരുന്നു.
വണ്ടാനം മെഡിക്കല്‍ കോളേജില്‍ വച്ച് വൈകിട്ടോടെയാണ് അമ്മ താര മരിച്ചത്. കുട്ടികള്‍ ഗുരുതരാവസ്ഥയില്‍ ചികിത്സയിലായിരുന്നു.
കുടുംബ പ്രശ്‌നമാണ് ആത്മഹത്യക്ക് കാരണമെന്നാണ് പൊലീസിന്റെ പ്രാഥമിക നിഗമനം. പ്രവാസിയായ ഭര്‍ത്താവ് ഇന്ന് വിദേശത്ത് നിന്ന് എത്താനിരിക്കെയാണ് താര മക്കള്‍ക്കൊപ്പം ആത്മഹത്യ ചെയ്തത്. ഭര്‍ത്താവിന്റെ വീട്ടുകാരുമായി സ്വത്ത് സംബന്ധിച്ച് പ്രശ്‌നങ്ങള്‍ ഉണ്ടായിരുന്നതായി പൊലീസ് അറിയിച്ചു. മൂവരുടെയും മൃതദേഹങ്ങള്‍ വണ്ടാനം മെഡിക്കല്‍ കോളേജില്‍.
പ്രതികരിക്കാൻ ഇവിടെ എഴുതുക: