കോഴിക്കോട്: പ്രതിയെ പിടിക്കാനെത്തിയ പൊലീസുകാര്‍ക്ക് വെട്ടേറ്റു. വയനാട് എസ്പിയുടെ സ്‌ക്വാഡ് അംഗങ്ങളായ ശാലു, നൗഫല്‍ എന്നിവര്‍ക്കാണ് വെട്ടേറ്റത്.കാരശേരി വലിയപമ്പില്‍ ആണ് സംഭവം.
വയനാട് കല്‍പ്പറ്റയില്‍നിന്നും മോഷണം പോയ കാര്‍ മോഷണ കേസിലെ പ്രതി കാരശേരി വലിയ പറമ്പ് സദേശി അര്‍ഷാദും ഉമ്മയുമാണ് പൊലീസുകാരെ വെട്ടിപരിക്കേല്‍പ്പിച്ചത്. കാര്‍ മോഷണക്കേസ് പ്രതികളെ പിടികൂടാനെത്തിയപ്പോഴായിരുന്നു ഇത്.
അര്‍ഷാദിന്റെ വീട്ടില്‍ വച്ചാണ് പൊലീസുകാരെ ആക്രമിച്ചത്.മൂന്നു പൊലീസുകാരാണ് പ്രതിയെ പിടികൂടാനെത്തിയതെങ്കിലും വിപിന്‍ എന്ന പൊലീസുകാരന്‍ കുറച്ച് ദൂരെയായതിനാല്‍ ആക്രമണത്തില്‍ നിന്ന് രക്ഷപ്പെട്ടു. പരിക്കേറ്റ പൊലീസുകാര്‍ ആശുപത്രിയില്‍ ചികിത്സയിലാണ്.
പ്രതികരിക്കാൻ ഇവിടെ എഴുതുക: