പത്തനംതിട്ട :ശബരിമല ശ്രീകോവിലില് പൂജിച്ച അയ്യപ്പ ചിത്രം ആലേഖനം ചെയ്ത സ്വര്ണ ലോക്കറ്റുകള് വിഷുദിനം മുതല് വിതരണം ചെയ്യുമെന്ന് തിരുവിതാംകൂര് ദേവസ്വം ബോര്ഡ്. ലോക്കറ്റുകളുടെ ഓണ്ലൈന് ബുക്കിംഗ് ആരംഭിച്ചു.
രണ്ട് ഗ്രാം, നാല് ഗ്രാം, 8 ഗ്രാം എന്നിങ്ങനെ വ്യത്യസ്ത തൂക്കത്തിലുള്ള ലോക്കറ്റുകള് ലഭിക്കും.. രണ്ട് ഗ്രാം സ്വര്ണത്തിലുള്ള ലോക്കറ്റിന് 19,300 രൂപയാണ് നിരക്ക്. നാല് ഗ്രാം സ്വര്ണ ലോക്കറ്റിന് 38,600 രൂപയും 8 ഗ്രാം തൂക്കമുള്ള സ്വര്ണ ലോക്കറ്റിന് 77,200 രൂപയുമാണ് നിരക്ക്.
ഓണ്ലൈനിലൂടെ ബുക്ക് ചെയ്ത ലോക്കറ്റുകള് ശബരിമല സന്നിധാനത്ത് അഡ്മിനിസ്ട്രേറ്റീവ് ഓഫീസില് നിന്ന് ഭക്തര്ക്ക് കൈപ്പറ്റാനാകും. WWW.sabarimalaonline.org എന്ന വെബ്സൈറ്റിലൂടെ ലോക്കറ്റുകള് ബുക്ക് ചെയ്യാം.
