തിരുവനന്തപുരം: സര്‍ക്കാര്‍ ഹയര്‍സെക്കന്ററി അധ്യാപകരുടെ പൊതുസ്ഥലമാറ്റവും നിയമനവും ഓണ്‍ലൈനായി നടത്തുന്നതിന് മുന്നോടിയായി എല്ലാ അധ്യാപകരുടെയും പ്രൊഫൈല്‍ കൃത്യമാക്കുന്നതിനും പ്രിന്‍സിപ്പല്‍മാര്‍ ഒഴിവുകള്‍ റിപ്പോര്‍ട്ട് ചെയ്യുന്നതിനുമായി പോര്‍ട്ടല്‍ തുറന്നു. കേരള ഇന്‍ഫ്രാസ്ട്രക്ചര്‍ ആന്റ് ടെക്നോളജി ഫോര്‍ എഡ്യൂക്കേഷന്റെ (കൈറ്റ്) സാങ്കേതിക പിന്തുണയോടെ ജൂണ്‍ 1-ന് മുമ്പ് സ്ഥലമാറ്റവും നിയമനവും പൂര്‍ത്തീകരിക്കുന്ന വിധത്തിലാണ് പോര്‍ട്ടല്‍ ഒരുക്കിയിരിക്കുന്നത്.
www.dhsetransfer.kerala.gov.in പോര്‍ട്ടലില്‍ ഏപ്രില്‍ 16 വരെ അധ്യാപകര്‍ക്ക് വിവരങ്ങള്‍ അപ്ഡേറ്റ് ചെയ്യാം. പ്രിന്‍സിപ്പല്‍മാര്‍ ഇത് പരിശോധിച്ച് കൃത്യത ഉറപ്പാക്കി വീണ്ടും അധ്യാപകര്‍ പ്രൈഫൈല്‍ ‘കണ്‍ഫോം’ ചെയ്യണം.
പ്രൊഫൈല്‍ പുതുക്കുന്നതോടൊപ്പം എല്ലാ അധ്യാപകരും പോര്‍ട്ടലില്‍ ഉള്‍പ്പെട്ടിട്ടുണ്ടെന്നും, അവരുടെ പോസ്റ്റിംഗ് സ്റ്റാറ്റസ് (കണ്ടീഷണല്‍/നോര്‍മല്‍/എക്സസ്) കൃത്യമാണെന്നും ഉള്‍പ്പെടെയുള്ള കാര്യങ്ങള്‍ പ്രിന്‍സിപ്പല്‍മാര്‍ ഉറപ്പാക്കണം. എല്ലാ വിശദാംശങ്ങളും പരിശോധിച്ച് പ്രിന്‍സിപ്പല്‍മാര്‍ പ്രൊഫൈല്‍ കൃത്യമാക്കുന്നതോടൊപ്പം തന്നെ ഒഴിവുകളും റിപ്പോര്‍ട്ട് ചെയ്യുന്നത് ഈ വര്‍ഷം പുതുതായി ഏര്‍പ്പെടുത്തിയതാണ്. മെയ് 31വരെ വിരമിക്കുന്ന അധ്യാപകരുടെയും പ്രിന്‍സിപ്പല്‍മാരുടെയും എണ്ണംകൂടി ഉള്‍പ്പെടുത്തിയാണ് ഒഴിവുകള്‍ കണക്കാക്കുന്നത്.
പ്രതികരിക്കാൻ ഇവിടെ എഴുതുക: