ഇനി വീട്ടിലിരുന്ന് വീശിയാൽ മതി : ഈദ് ദിനത്തിൽ പലസ്തീൻ പതാക വീശിയ വൈദ്യുതിവകുപ്പ് ജീവനക്കാരനെ പിരിച്ചുവിട്ട് യുപി സർക്കാർ

ലക്നൗ ; പെരുന്നാൾ ദിനത്തിൽ പലസ്തീൻ പതാക വീശി ഹമാസിന് ഐക്യദാർഢ്യം പ്രകടിപ്പിക്കാൻ ശ്രമിച്ച മുസ്‌ലിം ജീവനക്കാരനെ പിരിച്ചുവിട്ട് യുപി വൈദ്യുതി വകുപ്പ്. സഹാറൻപൂർ ജില്ലയിലെ കൈലാശ്പൂർ പവർ ഹൗസിലെ താത്കാലിക ജീവനക്കാരൻ സാഖിബ് ഖാനെതിരെയാണ് നടപടി. പതാക വീശിയത് ദേശവിരുദ്ധ പ്രവൃത്തിയാണെന്ന് വകുപ്പ് പുറത്തിറക്കിയ പ്രസ്താവനയിൽ പറയുന്നു.

മാർച്ച് 31ന് പെരുന്നാൾ നമസ്കാരത്തിന് ശേഷം സാഖിബ് ഉൾപ്പെടെയുള്ളവർ ഹമാസിന് ഐക്യദാർഢ്യം അർപ്പിച്ച് പതാക വീശുന്ന ചിത്രങ്ങൾ സോഷ്യൽമീഡിയയിൽ പ്രചരിച്ചതിനു പിന്നാലെയാണ് പുറത്താക്കൽ. പ്രതിഷേധത്തിൽ 70 പേർക്കെതിരെ പൊലീസ് കേസ് രജിസ്റ്റർ ചെയ്യുകയും അഞ്ച് പേരെ അറസ്റ്റ് ചെയ്യുകയും ചെയ്തിരുന്നു.

സോഷ്യൽമീഡിയ വഴി ചില യുവാക്കൾ മറ്റൊരു രാജ്യത്തിന്റെ പതാക വീശുന്ന വീഡിയോ ഞങ്ങളുടെ ശ്രദ്ധയിൽപ്പെട്ടു. വിഷയം അന്വേഷിച്ചുകൊണ്ടിരിക്കുകയാണ്, അതിനുശേഷം തുടർനടപടികൾ സ്വീകരിക്കും’- സിറ്റി പൊലീസ് സൂപ്രണ്ട് വ്യോമ് ബിൻഡാൽ പറഞ്ഞിരുന്നു.