തിരുവനന്തപുരം:മധ്യവയസ്കയെ തട്ടിക്കൊണ്ട് പോയി പീഡിപ്പിക്കാന് ശ്രമം നടത്തിയ കാപ്പാ കേസ് പ്രതിയെ റിമാന്ഡ് ചെയ്തു. പേരൂര്ക്കട സ്വദേശി ഗോപകുമാറാണ് കേസില് വിതുര പൊലീസിന്റെ പിടിയിലാത്.
വെള്ളിയാഴ്ച വൈകിട്ടാണ് സംഭവം. വിതുര തേവിയോട് ജംഗ്ഷനില് ബസ് കാത്ത് നിന്ന മധ്യവയ്സകയെ കൊണ്ടുവിടാമെന്ന് പറഞ്ഞ് ഓട്ടോയില് കയറ്റി കൊണ്ടു പോയിപീഡിപ്പിക്കാന് ശ്രമിക്കുകയായിരുന്നു.
മധ്യവയസ്ക നിലവിളിച്ചതോടെ ആദ്യം അനുനയിപ്പിച്ച പ്രതി വീണ്ടും പീഡിപ്പിക്കാന് ശ്രമിച്ചു. ഇതോടെ ഓട്ടോയില് നിന്ന് പുറത്തേയ്ക്ക് ചാടി രക്ഷപ്പെട്ട മധ്യവയസ്ക നാട്ടുകാരെ വിവരമറിയിച്ച ശേഷം വിതുര പൊലീസില് പരാതി നല്കി. പൊലീസ് ഇന്നലെയാണ് ഗോപകുമാറിനെ കസ്റ്റഡിയിലെടുത്തത്. ഇയാള്ക്കെതിരെ ആറോളം പീഡനക്കേസ് ഉണ്ട്.
