നാഗ്പൂർ: ശാശ്വത രാഷ്‌ട്ര വിജയത്തിന് ഛത്രപതി ശിവാജി പ്രേരണയാണെന്ന് ആർഎസ്എസ് സർസംഘചാലക് ഡോ.മോഹൻ ഭാഗവത്. പുരാതനകാലത്ത് രാമനെ ആദർശമാക്കി ഹനുമാനായിരുന്നു പ്രേരണ. ആധുനിക യുഗത്തിൽ രാഷ്‌ട്രത്തെ ആദർശമാക്കിയ ശിവാജിയാണ് മാതൃക, അദ്ദേഹം പറഞ്ഞു. ഡോ. സുമന്ത് ടേകാഡെ എഴുതിയ യുഗംധർ ശിവറായ് എന്ന പുസ്തകം നാഗ്പൂരിലെ മുംഡ്ലെ ആഡിറ്റോറിയത്തിൽ പ്രകാശനം ചെയ്യുകയായിരുന്നു സർസംഘചാലക്.
ശിവാജിയുടെ ചരിത്രം പഠിക്കേണ്ടത് നമ്മുടെ കടമയാണ്. നിരന്തരമായ പോരാട്ടത്തിന് പ്രചോദനം നൽകുന്ന ജീവിതമാണത്. അതുകൊണ്ടാണ് അദ്ദേഹത്തെ യുഗംധർ, യുഗ പ്രവർത്തകൻ, യുഗപുരുഷൻ എന്നൊക്കെ വിളിക്കുന്നത്. ഒരു വ്യക്തി എന്ന നിലയിലും രാജാവ് എന്ന നിലയിലും ശിവാജി മാതൃകയാണ്, മോഹൻ ഭാഗവത് ചൂണ്ടിക്കാട്ടി.
ശിവാജിയുടെ സ്വാധീനം ഭാരതമാസകലം പ്രകടമായിരുന്നു. രവീന്ദ്രനാഥ ടാഗോർ ശിവാജിയെക്കുറിച്ച്കവിതയെഴുതി. സ്വാമി വിവേകാനന്ദൻ അദ്ദേഹത്തിന്റെ ആവേശകരമായ കഥകൾ പറഞ്ഞു. വിഖ്യാത തമിഴ് നടൻ ഗണേശൻ . നാടകത്തിൽ ശിവാജി മഹാരാജിന്റെ വേഷം അനശ്വരമാക്കി ശിവാജി ഗണേശനായി, മോഹൻ ഭാഗവത് പറഞ്ഞു.
ശ്യാം മാധവ് ധോണ്ട്, പ്രസാധകൻ സച്ചിൻ ഉപാധ്യായ, ദത്ത ഷിർകെ, മാധവി ടെകഡെ എന്നിവർ പങ്കെടുത്തു.
പ്രതികരിക്കാൻ ഇവിടെ എഴുതുക: