ലണ്ടൻ: ഓക്‌സ്‌ഫോർഡ് യൂണിവേഴ്സിറ്റിയിൽ പശ്ചിമ ബംഗാൾ മുഖ്യമന്ത്രി മമത ബാനർജി പ്രസംഗിക്കുന്നതിനിടെ പ്രതിഷേധം. ബംഗാളിൽ തെരഞ്ഞെടുപ്പിന് ശേഷം നിരന്തരമായുള്ള അക്രമങ്ങളും വനിത ഡോക്ടറുടെ ബലാത്സംഗം ചെയ്ത് കൊന്ന സംഭവത്തിലുമായിരുന്നു പ്രതിഷേധം.
ലണ്ടനിലെ ഓക്‌സ്‌ഫോർഡ് യൂണിവേഴ്സിറ്റിയുടെ കെല്ലോഗ കോളജിലായിരുന്നു മമതയുടെ പ്രസംഗം. പരിപാടി തുടങ്ങിയപ്പോൾ സദസിൽനിന്ന് ആളുകൾ എഴുന്നേറ്റ് പ്ലക്കാർഡുകൾ ഉയർത്തി മുദ്രാവാക്യം വിളിച്ചു. തുടർന്ന് ചോദ്യങ്ങൾ ഉന്നയിക്കുകയും ചെയ്തു. ഇതിന്റെ ദൃശ്യങ്ങൾ സോഷ്യൽ മീഡിയയിൽ വൈറലാണ്.
പ്രതിഷേധം ശക്തമായതോടെ ഭയന്നു പോയ മമത നിങ്ങൾ ഇങ്ങനെ പെരുമാറരുത് , എന്നോട് മോശമായി പെരുമാറുന്നു. ഞാൻ എല്ലാവർക്കും വേണ്ടിയാണ്. ഞാൻ ഹിന്ദുക്കൾക്കും മുസ്ലീങ്ങൾക്കും സിഖുകാർക്കും ക്രിസ്ത്യാനികൾക്കും വേണ്ടിയാണ് പ്രവർത്തിക്കുന്നത് എന്നൊക്കെ മമത പറയുന്നുണ്ടായിരുന്നു.
പ്രതിഷേധത്തിന്റെ ചിത്രങ്ങൾ ബിജെപി നേതാവ് അമിത് മാളവ്യയും പങ്ക് വച്ചിട്ടുണ്ട് . ‘ മമത പശ്ചിമ ബംഗാളിന് നാണക്കേടാണ്. ബംഗാളിന്റെ പൈതൃകം നശിപ്പിച്ച് അവരെ അപമാനിച്ചതിന് അവരെ മുഖ്യമന്ത്രി സ്ഥാനത്ത് നിന്ന് പുറത്താക്കാൻ ഹിന്ദു ബംഗാളി പ്രവാസികൾ ആഗ്രഹിക്കുന്നു.” എന്ന കുറിപ്പും അദ്ദേഹം പങ്ക് വച്ചു.
പ്രതികരിക്കാൻ ഇവിടെ എഴുതുക: