ഞാൻ ഹിന്ദു രാഷ്‌ട്രത്തിന് എതിര് ; ഗാന്ധിയെ പോലെ രാജ്യത്തെ മാറ്റി മറിക്കാൻ കഴിയുന്ന ആളാണ് ഞാൻ എന്ന് പറയുന്നില്ല ; തുഷാർ ഗാന്ധി

തിരുവനന്തപുരം : താൻ ഹിന്ദു രാഷ്‌ട്രത്തിനു എതിരാണെന്ന് തുഷാർ ഗാന്ധി . ഹിന്ദു രാഷ്‌ട്രമുണ്ടാക്കാനുള്ള എല്ലാ നീക്കത്തിനെയും എതിർക്കുമെന്നും തുഷാർ ഗാന്ധി പറഞ്ഞു.

കുടുംബങ്ങളുടെ വാട്സ്ആപ്പ് ഗ്രൂപ്പുകളിലും പോലും ന്യൂണപക്ഷത്തിനെതിരായ വെറുപ്പിന്റെ സന്ദേശങ്ങൾ ഷെയർ ചെയ്യപ്പെടുന്നു.

ഗാന്ധി ഉയർത്തിയ ക്വിറ്റ് ഇന്ത്യ മൂവ്മെന്റ് പോലെ പുതിയ മുന്നേറ്റം ഉയരണം. വിദ്വേഷത്തിന്റെ കാൻസറിന് എതിരായ കിമോ തെറാപ്പിയാണ് സ്നേഹമെന്നും അദ്ദേഹം വ്യക്തമാക്കി. ഗാന്ധിയെ പോലെ രാജ്യത്തെ മാറ്റി മറിക്കാൻ കഴിയുന്ന ആളാണ് താൻ എന്ന് വിശ്വസിക്കുന്നില്ല.

എങ്കിലും ഭരണഘടനയും, മതേതരത്വവും സംരക്ഷിക്കാൻ ആവും പോലെ ശ്രമിക്കും. ആർ എസ് എസിനെ താൻ ഭയപ്പെടില്ലെന്ന വാദവും തുഷാർ ഗാന്ധി ഉന്നയിച്ചു.